Goobne Chicken (V Point)

Open Now

Now Closed

呢間韓式炸雞，聽說是韓國no.1, 銅鑼灣呢間分店喺登龍街新既V5, 上到嚟，感覺好舒服，好光猛，而且寬敞唔迫，有種休閒感。特別叫左杯mojito寫寫一下。韓式蛋卷，好似壽司，但用好薄既蛋皮卷成，好考手工，而且蛋皮一d都唔老，入面有火腿，蟹柳，黃蘿蔔等，配類似千島醬的醬汁，都幾好食。而且鐘意佢唔係日式蛋卷咁甜。魚膏湯鍋，魚膏係韓國流行的魚蛋類食物，呢個湯鍋咩款既魚膏都有，厚的、薄的、有粉絲料的，有蔬菜料的。最喜愛是湯底，清而好飲，推介冬天暖暖地。新出既餐牌，有cheese In the city系列，烤雞加埋芝士，而且是無骨雞肉，選了蜜糖醬，甜甜地，配咖哩味烤雞，估唔到都幾夾。果然是出名的烤雞店，可能是佢的特別烤爐，烤豬助骨都有一手，烤到離骨，但肉質鮮嫩，仲juicy，而且味道調得好入味，都係亮點之一。有埋薯蓉薯條同蔬菜，夠均衡。休閒好味既一餐，離開時見到而家可外賣自取，好似ppl hut以外既唔錯選擇，仲有埋food panda, 啱晒我呢類懶出街又唔想煮既人。