大和堂咖啡店

Open Now

Now Closed

今朝喺九龍城interview完，但聽日又要mid term，所以打算喺附近搵咗間咖啡店，飲杯咖啡令自己精神啲。見到有人喺鋪面飲緊咖啡，但鋪面嘅裝修唔太似咖啡店，行近少少發現門前有塊牌講述咖啡店嘅歷史，原來以前的確係藥行，經歷過香港重大嘅時刻，近年先將佢活化成咖啡店。餐廳入面依然保留昔日藥行嘅特色，例如成幅牆都係百子櫃。自己幾鍾意既一點係所有傢俬都係木製，能夠貫徹咖啡店嘅風格。除咗咖啡之外，餐廳有提供食物，仲要係主食，例如漢堡熱狗意粉等等。甜品亦有幾款可以選擇。由於太攰嘅關係即刻叫咗杯Americano，飲完非常醒神，甘苦既味道加上碟上「大和堂」呢三隻字，令我有一刻以為自己係中藥舖到。朋友叫左cappuccino，拉花非常精緻，咖啡味非常香濃。雞蛋仔與雞看似唔夾，但淋上面嘅薑汁糖漿將兩者融合埋一齊。雞蛋仔非常鬆軟，金黃色外皮嘅炸雞非常嫩滑。以平底鑊方式呈上食物亦夠晒特別。我朋友話要減肥，所以叫咗大和堂特色沙律，裏面有脆麵包粒，蕃茄仔，溫泉蛋，西班牙火腿同沙律菜。整體酸酸地幾開胃。下次再嚟希望試下其他咖啡，或者可以花一天係大和堂咖啡店溫書。