Video
Read full review
2021-07-06
5381 views
食物九流，環境只能加小小分。成日睇到啲人黎呢到打卡，但次次都訂唔到台，終於比我禁禁下訂到台，仲要係9 點個場，早過返工，山長水遠，滿心期待咁黎到，但真係好失望。只係個境真係靚既，但你問值唔值得入黎，我又覺得咁多地方有靚境，又唔一定要入黎囉。首先我哋已經好難訂位，終於訂到仲要朝早咁早既時段，黎到先發現，其實又唔係坐滿人架喎，我懷疑好多人訂左放飛機。咁就算啦，人少啲無咁嘈仲好啦。入到去拎左位，侍應已經提醒我地，用餐時間係75 分鐘，咁我哋見到又無人，但又要限時都覺得好無奈，重點係我哋食到最後，都仲係好多位吉左係到，都仲要趕我地走就真係好無奈囉。啲野食就真係唔好講啦，講難食都真係唔係唔岩，好普通甚至有啲難食。好唔好食都係一餐姐，當食境算啦。但最嬲其實係佢全程提左我地好多次係75分鐘。係我哋無超時既情況下，佢帶位時講一次，上野飲時講一次，之後執台又講一次，得啦，知道啦，不如放個錄音機係隔離提醒我哋算啦。同埋，因為一早講左我係慶祝朋友生日，亦都預先預訂左個甜品拼盤，仲講左要寫祝福語句，係預訂既時候都講好晒，社文平台 msg confirm 晒。但我去到時佢地無一個侍應係知道發生咩事，淨係幫我搵返
成日睇到啲人黎呢到打卡，但次次都訂唔到台，終於比我禁禁下訂到台，仲要係9 點個場，早過返工，山長水遠，滿心期待咁黎到，但真係好失望。只係個境真係靚既，但你問值唔值得入黎，我又覺得咁多地方有靚境，又唔一定要入黎囉。
首先我哋已經好難訂位，終於訂到仲要朝早咁早既時段，黎到先發現，其實又唔係坐滿人架喎，我懷疑好多人訂左放飛機。咁就算啦，人少啲無咁嘈仲好啦。
入到去拎左位，侍應已經提醒我地，用餐時間係75 分鐘，咁我哋見到又無人，但又要限時都覺得好無奈，重點係我哋食到最後，都仲係好多位吉左係到，都仲要趕我地走就真係好無奈囉。
啲野食就真係唔好講啦，講難食都真係唔係唔岩，好普通甚至有啲難食。
好唔好食都係一餐姐，當食境算啦。
但最嬲其實係佢全程提左我地好多次係75分鐘。係我哋無超時既情況下，佢帶位時講一次，上野飲時講一次，之後執台又講一次，得啦，知道啦，不如放個錄音機係隔離提醒我哋算啦。
同埋，因為一早講左我係慶祝朋友生日，亦都預先預訂左個甜品拼盤，仲講左要寫祝福語句，係預訂既時候都講好晒，社文平台 msg confirm 晒。但我去到時佢地無一個侍應係知道發生咩事，淨係幫我搵返個紀錄都搞左15 分鐘啦！ 我哋用餐得75 分鐘，訂好左既野又唔到，唔通要我哋打包咩！
因為想比驚喜我朋友，我特登走出去行埋一邊叫個侍應上甜品，個侍應話幫我去廚房睇下，轉個頭竟然埋黎我張台當住我同朋友面話佢地星期六日無甜品拼盤，亦收唔到要寫祝福字句既order!!! 佢問我地咁點算，佢地得返套餐甜品=一件好細既蛋糕，但果舊蛋糕要跟餐唔散賣，我哋又無叫套餐所以無呢舊蛋糕，佢問我哋可以點。我哋呆左，問返佢咁而家你哋可以比咩我地先？佢又答唔出。搞左一大輪，佢問左好多侍應，佢話可以比舊小蛋糕我哋寫返祝福語，又問我哋，我哋想寫咩字，我就答左佢Happy Birthday xxx (我朋友個名），跟著佢又搵左廚房問一輪又話我哋知，寫個字要$20 蚊，問我哋Ok 唔Ok ，
我人生第一次係餐廳食甜品寫祝福語要加錢😂😂😂😂😂！！！！
咁我哋咪話，比囉，我哋無問題。
搞到最後，佢話比我哋知，原來廚房有留左份甜品拼盤比我哋。
嘩，唔該晒😂😂😂我哋好感動，前前後後搞左起碼20分鐘。
終於都食到，不過好難食，同埋我哋影完相佢又再提我哋得75 分鐘已經夠鐘啦。
😂😂😂😂😂😂😂😂😂但留意返，得地走果時個場都仲係好多位架！！！
個服務真係無得頂。
我覺如果出面排晒隊我哋緊係快啲交台啦，但你廚房又出錯，搞到我哋上餐慢左，又要無人等位，都趕我地走，我哋真係好無奈😂
Post
