Video
Read full review
2017-06-25
1643 views
你無睇錯Title, 對, 香港人既我被日本人介紹食菠蘿包近排識左個日本人香港迷 (好喜歡香港文化, 成日會飛來香港玩既日本人), 佢每次來香港都會去唔同冰室食菠蘿油. 我問佢覺得邊間最好食, 佢話 "好多間都好好食, 其中一間最好食既係金記 (西營盤個間)" 坦白講, 作為香港人既我其實一次金記都無去過. 所以點都想試下某日4時來到金記, 但菠蘿包已經賣哂, 咁就試下個迷你焗豬飯焗豬即叫即做, 需時, 等了約15分鐘, 我成日話寧願等也絕對唔想食整定既野, 所以等是絕對ok!! 聽說呢間金記是舊金記搬過來的第一間店, 咁應該是總店? 我喜歡他有舊60/70年代風格得來, 所有野都好企理. 焗豬到!! 果然即叫即做熱辣辣!!! 先食一啖飯, 用長身的香米, 有蛋既炒飯底! 飯好乾身粒粒分明! 我好怕其他焗豬飯太多汁或飯係霖到一舊野, 粒粒分明的炒飯我已經加佢好多分! 拌以汁再食一啖, 佢既汁好香蕃茄味, 也食到新鮮既蕃茄蓉, 酸酸甜甜剛剛好!汁既量都好好! 唔好少到d飯唔夠汁, 也不會多到 "水浸" 咁! 豬扒醃得入味, 有肉汁, 唔會太乾也不會太肥, 加埋蕃茄汁真係好夾另外
近排識左個日本人香港迷 (好喜歡香港文化, 成日會飛來香港玩既日本人),
佢每次來香港都會去唔同冰室食菠蘿油.
我問佢覺得邊間最好食, 佢話 "好多間都好好食, 其中一間最好食既係金記 (西營盤個間)"
坦白講, 作為香港人既我其實一次金記都無去過. 所以點都想試下
某日4時來到金記, 但菠蘿包已經賣哂, 咁就試下個迷你焗豬飯
焗豬即叫即做, 需時, 等了約15分鐘,
我成日話寧願等也絕對唔想食整定既野, 所以等是絕對ok!!
聽說呢間金記是舊金記搬過來的第一間店, 咁應該是總店? 我喜歡他有舊60/70年代風格得來, 所有野都好企理.
迷你焗豬扒飯
84 views
0 likes
0 comments
焗豬到!! 果然即叫即做熱辣辣!!!
[飯 - 粒粒分明蛋炒飯]
先食一啖飯, 用長身的香米, 有蛋既炒飯底!
飯好乾身粒粒分明! 我好怕其他焗豬飯太多汁或飯係霖到一舊野,
粒粒分明的炒飯我已經加佢好多分!
[汁- 新鮮蕃茄整, , 酸甜度剛剛好]
拌以汁再食一啖, 佢既汁好香蕃茄味, 也食到新鮮既蕃茄蓉, 酸酸甜甜剛剛好!
汁既量都好好! 唔好少到d飯唔夠汁, 也不會多到 "水浸" 咁!
[豬扒- 半肥瘦豬扒, 入味有肉汁]
豬扒醃得入味, 有肉汁, 唔會太乾也不會太肥, 加埋蕃茄汁真係好夾
另外面層有薄薄溶左既芝士, 芝士既咸香配以蕃茄汁既酸甜, 令你食每啖飯都有層次感
[焗豬飯 小總結]
因為係下午茶迷你焗豬, 份量比較少, 不過對於女生/下午茶來說份量剛剛好!
整體分數我比 9 out of 10 (個1分是我喜歡有菠蘿既焗豬飯不過佢無. 純個人口味)
----------
過了幾天再到金記食那日本人推介既菠蘿包.
1時半去到, 呀靘姐話菠蘿包賣哂啦, 2點再出爐. 所以2時再返去
今次終於食到!!! 仲要係剛剛出爐!!!
菠蘿包
82 views
1 likes
0 comments
拎上手是微暖, 菠蘿曲奇皮甜度剛剛好, 厚薄適中, 咬落去鬆化,
包底好柔軟, 但絕對不是 "空氣包", 麵包感很充實.
加上佢是剛出爐, 一口哎落個包, 食到外脆內軟既暖暖菠蘿包. 真係好滿足!!!!
果然無介紹錯!!
-------------
另外因為未食lunch, 所以都叫了個迷你肉醬意粉
迷你焗肉醬意粉
87 views
0 likes
0 comments
同樣是即叫即整, 上枱熱辣辣
面層有焗溶了既芝士,
可惜是食到一半, 發現個底有好多水, 應該是煮完意粉未隔乾水就放入去,
所以底既意粉好濕, 也溝淡個肉醬汁.
所以下次都係食返焗豬好。
-------
[總結]
焗豬飯同菠蘿包真係值得一試!!
如果想食出爐菠蘿包就平日既2時去啦~ (假日出爐時間唔知)
我唔知凍左既菠蘿包係咪一樣好食, 應該點都會打個折
肉醬意粉就算啦
我好少同一間茶記會去第2次, 呢間會再去!
Post
