鼓堡音樂餐廳

Open Now

Now Closed

雖然係第二次黎，但仍然係咁難搵囉。今晚朋友聚會 table for five，見仲未有人到就照例睇睇個 menu 先。我最鍾意點菜架喇，而且今晚係我揀黎 Live House 既，諗住順便探探謙謙，點知放假囉 ﹗又唔見阿翹喎，Alan 同洛仔又已經無做，全場個個都唔識呢。有咩新菜式呢？同我半年前一模一樣噃。今日星期二都幾靜吓喎，小貓三四隻，還是依家仲早呢？都七點幾喇。Cocktail 唔識讀添 ﹗芒果味香濃，質感幼滑，有 Ram 酒同香檳成份，滿意。黑松露醬半熟蛋，好香黑松露味道，跟雞蛋好夾，如何蛋黃再流心點點就更加正，依家都好好味，前菜正 ﹗好好味 ﹗簡單又易做，半熟蛋加點芝士、黑松露醬，撒上香草掂。忌廉南瓜湯，一向唔食南瓜既我但湯免強可以接受啦，不太甜，無問題。脆脆棒，口痕攞黎點汁咬吓都好，不過我諗係用黎搣碎放入南瓜湯食既。啤酒煮青口，青口依然彈牙，無煮過火，味道帶淡淡酒香，加上忌兼味道，梗係好食啦 ﹗什錦卷併盤，芝士雞卷炸得非常脆口，咬落索索聲，味道還可以，貪心一點多啲芝士更好！牛肉蘆筍卷，好好味呢！估唔到牛肉嫩口軟棉，唔會又鞋又硬，加上蘆筍鮮甜，滿意。煙肉龍脷柳卷，有創意我鍾意