甜點

Open Now

Now Closed

呢排大家都因為疫情而少咗外出堂食，所以好多餐廳都開放自取外賣，今次好想食甜品又想食一啲飽肚嘅食物，所以就喺荃灣較隱蔽嘅地方搵到呢一間甜品店。我再細心啲留意餐單上面嘅食物，發現原來呢一間甜品店唔止售賣甜品，連煮食都有得賣，例如：漢堡包、意粉、厚多士等等。 BBQ烤味堡套餐呢個漢堡包入面嘅牛肉扒尚算厚身，雖然肉質保留得唔多，但仍然食得出BBQ烤味，整體來講較多士好食。成個餐會配埋薯條，加購買椰汁西米露都只係需要$10。鮮芒甜椰椰果凍配合埋芒果汁同新鮮芒果，味道非常清爽清甜，食到底嘅時候仲可以用鐵匙羹刮埋側邊嘅椰子肉🥥，唔會嘥咗半個椰子。呢款甜品我非常推介，唔會覺得太甜之外，亦都滋潤到喉嚨，係一個唔錯嘅選擇。