蓮香咖啡

Open Now

Now Closed

知道係疫情擴散嚴重時期，好多人去咗長洲透下氣，但因為長洲賓客人數多，造成當地居民不便，好多人都勸其他人，玩還玩，記得戴口罩，保護自己又保障他人。今次黎長洲，係要搵個朋友。究竟係長洲，有咩食物係你唔介意除低個口罩坐低食？要講就一定係蓮香咖啡份西多士同沙嗲牛肉麵。我唔食牛，於是同友人叫左一份西多，一碗雪菜米同一碗沙嗲牛肉麵。可惜炸雞翼賣晒，於是叫左炸豬扒，當然唔少得杯奶茶。一件好食嘅西多，一定要外脆內軟，牛油嘅鹹加上蜜糖嘅甜，配上煉奶，凝結成焦糖薄脆，蓮香就做到呢種如膠似漆嘅口感。豬扒雖然唔及雞翼馳名，但蓮香係呢啲二選食物都做到肉質鮮嫩而不鞋口，肉汁裹存而不油膩，可以睇得出伙記一啲都唔馬虎，更令人期待下次可以食到頭牌炸雞翼。朋友話碗沙嗲牛肉麵一如既往出色，肥牛厚滑，湯底香濃辣齊備，麵質爽口，天作之合。杯奶茶唔使點介紹，茶膽靚，奶量適中，伙記哥哥好似健身教練咁，一睇就知係杯奶茶到落左唔少心機苦功。食飽，戴返個口罩，又回味返頭先蓮香咖啡，每一箸帶有嘅港式味道。