Video
Read full review
2020-03-21
388 views
之前同ex 已經想黎試吓，有一晚突然提議可惜冇預先book枱，嚟到what in又唔知要等到幾時，因為我太顧及別人感受，唔想佢響唔甘願嘅情況底下陪我等位，所以決定毅然放棄，最終響我哋分開之前都冇再去試😞佢當然唔會主動再提起番我仲未試呢間餐廳啦😕終於等到今次疫情之下黎試，因為有朋友仔生日就用呢個藉口問吓大家仲會唔會出嚟食個飯，響大家家同意嘅情況底下終於有機會試到！✌🏻其實我之前俾咗三間餐廳個壽星婆揀，最終佢竟然都揀咗呢一間，縱然其實佢自己唔係好「好」龍蝦🦞其實點解我想試呢間餐廳？就係因為OpenRice食評話呢度隨餐附送嘅芝士鬆餅好好食囉，我係特別鍾意呢一類型嘅旦糕餅食，又鍾意飲龍蝦湯，所以好想黎試吓😋約好佢哋原本7:30我早左一個鐘頭就到咗啦！嚟到係walk in no.1，結果響隔離行下等左差不多半個鐘就已經有位啦。坐低冇幾耐侍應已經送上免費嘅芝士鬆餅5個重要熱辣辣嘅，我哋急不及待都未等齊人已經食住等，實在太好味😋結果我哋前後refill 左兩次總共食咗16個😅會唔會太過分🤪睇到Menu第一樣想叫嘅竟然係蟹餅，yes 我嘅至愛蟹餅，其他就由壽星婆發板啦！😆我哋分階段叫嘢食，免得次次都
其實點解我想試呢間餐廳？就係因為OpenRice食評話呢度隨餐附送嘅芝士鬆餅好好食囉，我係特別鍾意呢一類型嘅旦糕餅食，又鍾意飲龍蝦湯，所以好想黎試吓😋
約好佢哋原本7:30我早左一個鐘頭就到咗啦！嚟到係walk in no.1，結果響隔離行下等左差不多半個鐘就已經有位啦。
坐低冇幾耐侍應已經送上免費嘅芝士鬆餅5個重要熱辣辣嘅，我哋急不及待都未等齊人已經食住等，實在太好味😋結果我哋前後refill 左兩次總共食咗16個😅會唔會太過分🤪
睇到Menu第一樣想叫嘅竟然係蟹餅，yes 我嘅至愛蟹餅，其他就由壽星婆發板啦！😆
我哋分階段叫嘢食，免得次次都全部一次過黎晒食唔切已經凍哂。第一round就係叫咗我嘅至愛蟹餅同埋鮮蝦意粉龍蝦汁，主菜奉送餐湯或者沙律🥗，因為聽唔清楚佢個餐湯係咩，所以就求其叫咗個沙律諗住易分啲，點知原來大部份人都唔鍾意食「草」，後尾先知原來個餐湯係南瓜湯😞，早知⋯⋯
蟹餅令人失望，先係價錢太貴啦，二百幾蚊得兩小塊，仲要唔係我想食嗰種兩邊煎得香脆果隻，雖然佢係啖啖蟹肉，但係似乎物非所值囉，除非佢係用新鮮阿拉斯加長腳蟹拆肉啦🤣
個意粉就好啲，係我喜歡嘅creamy龍蝦source，唔叫原隻龍蝦都要叫啲同龍蝦有關嘅嘢吖嘛😀鮮蝦都好爽口，係二人份。
第二階段我哋就叫左一碟泰式蝦球再加一份西冷配龍蝦尾，今次主菜就加💰要返個我嘅最愛龍蝦湯，另外原來佢個西冷配龍蝦尾仲有兩個side dish可以揀，我哋就決定要黑松露薯條同埋薯蓉
龍蝦湯係我杯茶，creamy 得來龍蝦湯嘅味道唔似倒出嚟翻熱嗰啲，又原來大家都唔係好「好」呢個湯，只係每人試咗一兩匙其他我就自私飲啦喎！
西冷配龍蝦尾其實就冇乜特別，因為佢呢度都唔係主打食扒，龍蝦肉都爽嘅不過都係果句大家都唔係10分超級喜愛龍蝦嘅人，所以到而家都諗唔明點解壽星婆會揀呢間餐廳🤔
第三階段再叫咗一個黑松露pizza，可能因為已經食嗰個芝士鬆餅食到咁上下，所以覺得個Pizza冇乜大驚喜，更加上又唔係意大利果啲餅底，好明顯因為唔係佢哋嘅主打菜式囉！
最後最後其中兩個試吓叫杯野飲下，反而我就冇乜mood飲嘢，另外一個叫咗杯BerryMango Gin，另外一個就叫咗款手工啤酒試吓
全餐最驚喜就係埋單，竟然冇+10%，唔知係咪因為疫情關係定還是真係唔收+1呢？我哋有啲良心發現，因為又唔收service charge，我哋又食咗咁多件鬆餅，所以都俾返少少貼士啦！
龍蝦🦞soup
17 views
0 likes
0 comments
Cheese scone
42 views
0 likes
0 comments
Post
