Video
Read full review
2022-03-07
623 views
疫情咁厲害，最近已放棄出街食飯喇。如果唔係返工，我就只係留喺屋企同狗狗摺埋。不過亦因為咁，呢排比平時更多從外面買蛋糕、甜品返屋企，算係疫情下的highlight！早前狗狗爸爸轉寄一則報導，係關於藝人湯怡喺南豐紗廠開咗一間芝士蛋糕店，主打巴斯克焦香芝士蛋糕。雖然我只知道呢種芝士蛋糕的表面係好似焗燶咗咁，但感覺蛋糕店既然只賣呢款芝士蛋糕同曲奇，唔貪心，應該水準唔錯，所以好想試下。前陣子，狗狗爸爸終於外賣一件，一齊品嚐。不過，原本佢想買原味或焙茶味，可惜去到餅店時，兩款都冇切餅，於是只好買咗班蘭味。件蛋糕同出面街的切餅差唔多大細，$58，我覺得都算貴。我哋一件兩份分。蛋糕食落軟綿，好味。雖然我唔識整餅，但外面好多芝士餅裡面好多時都過硬（可能同放雪櫃儲存有關？），不過呢件餅我哋都係直接由雪櫃拎出嚟就食，但入面的質感係軟綿。蛋糕外面焦香，焗燶咗咁，係呢款餅的特色，我雖然唔係太喜歡呢種焗法，不過外面硬、燶的質感同口感的確同入面的軟滑、輕怡係一個對比，係佢的特別之處。班蘭味喺蛋糕顏色上可以見到，而味道就比較輕淡。以切餅嚟講，件蛋糕無疑係貴咗少少，不過因為我哋係將蛋糕切開兩份食，食完係感覺滿足，而平均
早前狗狗爸爸轉寄一則報導，係關於藝人湯怡喺南豐紗廠開咗一間芝士蛋糕店，主打巴斯克焦香芝士蛋糕。雖然我只知道呢種芝士蛋糕的表面係好似焗燶咗咁，但感覺蛋糕店既然只賣呢款芝士蛋糕同曲奇，唔貪心，應該水準唔錯，所以好想試下。
前陣子，狗狗爸爸終於外賣一件，一齊品嚐。不過，原本佢想買原味或焙茶味，可惜去到餅店時，兩款都冇切餅，於是只好買咗班蘭味。
班蘭味巴斯克焦香芝士蛋糕
$58
44 views
0 likes
0 comments
件蛋糕同出面街的切餅差唔多大細，$58，我覺得都算貴。我哋一件兩份分。蛋糕食落軟綿，好味。雖然我唔識整餅，但外面好多芝士餅裡面好多時都過硬（可能同放雪櫃儲存有關？），不過呢件餅我哋都係直接由雪櫃拎出嚟就食，但入面的質感係軟綿。蛋糕外面焦香，焗燶咗咁，係呢款餅的特色，我雖然唔係太喜歡呢種焗法，不過外面硬、燶的質感同口感的確同入面的軟滑、輕怡係一個對比，係佢的特別之處。班蘭味喺蛋糕顏色上可以見到，而味道就比較輕淡。
以切餅嚟講，件蛋糕無疑係貴咗少少，不過因為我哋係將蛋糕切開兩份食，食完係感覺滿足，而平均$29一小件亦唔算貴。期待有機會可以喺日後買到焙茶味，感覺焙茶同焦香呢個元素會更夾！
題外話，報導話靚女老闆娘可能會坐鎮店舖招呼客人，於是我就問狗狗爸爸買餅有冇見到靚女，點知佢話買完就走，冇留意對方靚唔靚喎。。。
Post
