Wheatfield X 羅宋湯專門店 (東薈城) (Closed)

防疫期間日日煮飯都煮到好赲，今日偷一偷懶，晚餐就去左東涌東薈成入面既羅宋湯專門店食。由於禁左堂食既關係，唯有揀好野食之後，拎返屋企慢慢嘆。我分別叫左2個套餐，一個係海派牛腩羅宋湯跟白飯同香煎薄牛扒配凍檸茶，一個係俄式清雞湯跟白飯同香煎豬扒配凍芒果紅茶。先講海派牛腩羅宋湯，味道我覺得比起平時茶餐廳飲到既正宗，酸酸甜甜十分之開胃。入面菜十分新鮮，唔似出面食到既菜係放左一段時間開始發黑。牛腩同菜都十分腍，可以睇得出餐廳都落足火喉去煲。俄式清雞湯就較清淡，平時煲雞湯都會出好多雞油，呢度既飲落一啲都唔油膩，亦都雞味夠晒濃郁。雖然望落好清淡，但飲落一啲都唔係好似水咁淡茂茂，而係咁分清甜。牛扒都豬扒都煎得十分好，十分juicy，唔會煎過老變到好韌。雖然牛扒同豬扒冇配醬汁，但就咁煎都夠晒味道，送飯簡直一流！凍芒果紅茶既味道十分熟悉，原來係同以前食開既芒果軟糖既味道好似！飲落好香芒果味，甜甜地，但唔會蓋過左紅茶既茶味。價錢方面，價錢適中，而且禁堂食關係仲有優惠添！真係又好味又實惠。