Video
Read full review
2021-02-18
815 views
2021年2月10日 星期三政府又再延長咗晚市禁止食嘅安排直到年初七，令到我哋唔可以同屋企人出街食團年飯，於是唯有叫外賣，喺屋企同家人一齊分享呢一間餐廳之前已經嘗試過，不過當時係食午市套餐，一直都念念不忘，因為食完之後感覺好健康同埋冇味精，於是今晚就決定買外賣，俾屋企人嘗試一下晚市嘅餐牌同午市差唔多，都係一樣有咁多選擇，而且仲可以配燉湯，甚至價錢我都覺得上次食午市既時候一樣，反而仲有外賣優惠九折添見到今日嘅是日湯水係哈密瓜百合陳皮雪耳湯，完全冇諗過哈密瓜都可以用嚟煲湯，餐牌仲寫住話可以止咳化痰、滋潤肺部同對抗肺炎添，所以即刻買埋返去試下我哋一共叫咗兩個套餐，再加兩杯食療湯，折扣後加埋$150都唔使返到屋企嘅時候首先打開嘅當然係個湯，仍然保持熱辣辣嘅狀態，仲有好香嘅百合同陳皮味，飲落去嘅時候雖然唔太覺得有哈密瓜既味道，不過飲完之後的確好潤喉，而且好清甜，成個人即時暖返晒食物方面我哋叫咗竹絲海南雞配椰香飯，呢個同一般我哋食嘅海南雞唔同，餐廳用左竹絲雞黎做海南雞，賣相好特別，而食落去更有雞味，至於脂肪就冇一般嘅海南雞咁多，感覺上健康好多另一個套餐就叫咗香草紅酒牛腩，牛腩煮得好入味，吸收晒醬汁
政府又再延長咗晚市禁止食嘅安排直到年初七，令到我哋唔可以同屋企人出街食團年飯，於是唯有叫外賣，喺屋企同家人一齊分享
呢一間餐廳之前已經嘗試過，不過當時係食午市套餐，一直都念念不忘，因為食完之後感覺好健康同埋冇味精，於是今晚就決定買外賣，俾屋企人嘗試一下
晚市嘅餐牌同午市差唔多，都係一樣有咁多選擇，而且仲可以配燉湯，甚至價錢我都覺得上次食午市既時候一樣，反而仲有外賣優惠九折添
見到今日嘅是日湯水係哈密瓜百合陳皮雪耳湯，完全冇諗過哈密瓜都可以用嚟煲湯，餐牌仲寫住話可以止咳化痰、滋潤肺部同對抗肺炎添，所以即刻買埋返去試下
我哋一共叫咗兩個套餐，再加兩杯食療湯，折扣後加埋$150都唔使
返到屋企嘅時候首先打開嘅當然係個湯，仍然保持熱辣辣嘅狀態，仲有好香嘅百合同陳皮味，飲落去嘅時候雖然唔太覺得有哈密瓜既味道，不過飲完之後的確好潤喉，而且好清甜，成個人即時暖返晒
食物方面我哋叫咗竹絲海南雞配椰香飯，呢個同一般我哋食嘅海南雞唔同，餐廳用左竹絲雞黎做海南雞，賣相好特別，而食落去更有雞味，至於脂肪就冇一般嘅海南雞咁多，感覺上健康好多
另一個套餐就叫咗香草紅酒牛腩，牛腩煮得好入味，吸收晒醬汁既味道，食落去又夠腍，用嚟撈飯簡直一流，淨係用醬汁黎送飯我應該可以食到兩碗添，加上食完之後唔會覺得口渴，強烈推薦俾鍾意重口味嘅人士
Post
