Video
Read full review
2022-01-15
22 views
最近疫情嚴重，為咗唔想喺隔離營渡過農曆新年，最近都唔敢外出堂食。今日趁著嚟觀塘海濱長廊郊遊，一於試下海旁嘅la pizza express。La pizza express 係一間外賣小店，疫情穩定期間，都會有枱櫈放出嚟比客人買完嘢食之後坐低食，但係因為最近疫情嚴重，我哋唯有買去海旁啲長凳度享受戶外用餐風味。對於外賣小店來講，呢度食物嘅選擇都算多，有Pizza，沙律，小食，三文治，同埋各式各樣嘅飲品。我哋叫咗一個Pizza，一個沙律，一個小食，同埋兩款飲品share食。藜麥毛茄沙律：呢個沙律都算幾大份，毛茄食落爽口，配上藜麥，粟米粒同沙律菜，食落好有口感，感覺非常清新。最欣賞嘅係小店將麻醬分開上，怕肥嘅女仕就可以適量地加入沙律裡面，減低內疚感。素牛肉芝士薄餅：店鋪叫la pizza express, ，又點可以唔試吓佢哋嘅Pizza呀 ？呢度除咗有幾款特製Pizza之外，仲可以自選配料同醬汁，四款配料只係需要$48 ，更可以加多$20 要三文魚，素牛肉，大蝦等等。Pizza 係即叫即整，拎到海旁開餐時仲係熱辣辣，批底有豐富嘅麵粉香味，批邊非常香脆，內裡煙韌。配料方面，素牛肉同平時食到嘅
La pizza express 係一間外賣小店，疫情穩定期間，都會有枱櫈放出嚟比客人買完嘢食之後坐低食，但係因為最近疫情嚴重，我哋唯有買去海旁啲長凳度享受戶外用餐風味。對於外賣小店來講，呢度食物嘅選擇都算多，有Pizza，沙律，小食，三文治，同埋各式各樣嘅飲品。
我哋叫咗一個Pizza，一個沙律，一個小食，同埋兩款飲品share食。
藜麥毛茄沙律：呢個沙律都算幾大份，毛茄食落爽口，配上藜麥，粟米粒同沙律菜，食落好有口感，感覺非常清新。
最欣賞嘅係小店將麻醬分開上，怕肥嘅女仕就可以適量地加入沙律裡面，減低內疚感。
素牛肉芝士薄餅：店鋪叫la pizza express, ，又點可以唔試吓佢哋嘅Pizza呀 ？呢度除咗有幾款特製Pizza之外，仲可以自選配料同醬汁，四款配料只係需要$48 ，更可以加多$20 要三文魚，素牛肉，大蝦等等。
Pizza 係即叫即整，拎到海旁開餐時仲係熱辣辣，批底有豐富嘅麵粉香味，批邊非常香脆，內裡煙韌。
配料方面，素牛肉同平時食到嘅牛肉口感及味道差別唔大，感覺無咁肥膩，配上香濃嘅蕃茄醬，入口鹹中帶酸，非常開胃。
芝士薯條：粗薯條即叫即炸，入口既新鮮又香脆，好欣賞佢芝士醬分開上，咁薯條就冇咁容易變淋。香脆嘅薯條點上香濃嘅芝士醬，簡直係人間美食。
熱情果富士蘋果茉莉花茶/護膚天使：Bless 呢個品牌嘅果汁聽過好多次，但係一直冇機會試。
熱情果蘋果茶蘋果味亦相當香濃，非常解渴，而護膚天使有菠蘿、雪梨及青檸，而當中菠蘿味比較突出，入口酸酸甜甜。
我哋就喺呢個風和日麗嘅日子，食住Pizza，飲住果汁，喺海旁渡過一個悠閒嘅下午。
Post
