Video
Read full review
2020-09-04
73 views
自從七月中開始禁止堂食之後，已經好耐冇去過餐廳，都係買外賣為多，今次比我發現到呢間好好食嘅中式燒味餐廳，原來佢深井裕記燒鵝老闆嘅仔開㗎。呢度嘅招牌係深井燒鵝，我就叫咗個例牌，燒鵝燒到外脆內軟，好juicy，果然深井燒鵝名不虛傳！除咗燒鵝之外，我仲有叫咗半隻貴妃雞、蜜汁叉燒同脆皮燒腩。貴妃雞夠哂入味，煮得啱啱好，好滑唔會好韌，老少咸宜！呢度嘅叉燒係我人生中食過最好食嘅一間，唔單止肥瘦適中，又燒到夠焦，再淋埋叉燒汁上去，簡直流晒口水！最後就係燒腩仔，佢選用嘅係一層肥一層瘦嘅豬肉，所以口感係一流，又脆口又爽口，亦都大大推薦！總括而言，喺尖沙咀都買到深井質素嘅燒味，真係好到不得了！大家一定要去試吓呀！
呢度嘅招牌係深井燒鵝，我就叫咗個例牌，燒鵝燒到外脆內軟，好juicy，果然深井燒鵝名不虛傳！
除咗燒鵝之外，我仲有叫咗半隻貴妃雞、蜜汁叉燒同脆皮燒腩。
貴妃雞夠哂入味，煮得啱啱好，好滑唔會好韌，老少咸宜！
呢度嘅叉燒係我人生中食過最好食嘅一間，唔單止肥瘦適中，又燒到夠焦，再淋埋叉燒汁上去，簡直流晒口水！
最後就係燒腩仔，佢選用嘅係一層肥一層瘦嘅豬肉，所以口感係一流，又脆口又爽口，亦都大大推薦！
總括而言，喺尖沙咀都買到深井質素嘅燒味，真係好到不得了！大家一定要去試吓呀！
Post
