Video
Read full review
2020-10-15
40 views
朋友住奧海城附近，推薦泰國菜要來食Orange elephant ，果然疫情下黎到都座無虛席。餐廳裝修簡約，但仍然有泰國特色，牆上呢隻紅色大笨象就好可愛喇。今日星期五，$1菜式係黃咖喱雞，梗係要試試佢。黃咖喱偏甜，唔辣，配菜入味，咖喱汁俾得好慷慨，撈飯撈麵都好正。另外叫咗一個泰式小食拼盤，大大件好抵食。四款小食包括蝦餅、魚餅、紙包雞和炸粉絲卷。⭐️蝦餅有彈性，幾香口，點泰式甜酸醬幾好食。⭐️魚餅比較軟身，唔會有腥味，還可以。⭐️紙包雞一食落口有一陣香葉味，即刻覺得自己去咗泰國。⭐️朋友最鍾意食炸粉絲卷，外面酥脆，裏面粉絲熱辣辣，口感豐富。主食叫咗個菠蘿海鮮飯，分量幾大，滿到湧出嚟。但唔會炒得太乾，仲有少少濕潤嘅感覺，配埋菠蘿粒好開胃。飲品叫左象啤，清清地幾好味，亦都夠凍。椰汁珍多冰嗌左無糖，真係無糖，淡淡椰香味，真多冰又有咬口，簡宜係減肥恩物！
餐廳裝修簡約，但仍然有泰國特色，牆上呢隻紅色大笨象就好可愛喇。
今日星期五，$1菜式係黃咖喱雞，梗係要試試佢。黃咖喱偏甜，唔辣，配菜入味，咖喱汁俾得好慷慨，撈飯撈麵都好正。
另外叫咗一個泰式小食拼盤，大大件好抵食。四款小食包括蝦餅、魚餅、紙包雞和炸粉絲卷。
⭐️蝦餅有彈性，幾香口，點泰式甜酸醬幾好食。
⭐️魚餅比較軟身，唔會有腥味，還可以。
⭐️紙包雞一食落口有一陣香葉味，即刻覺得自己去咗泰國。
⭐️朋友最鍾意食炸粉絲卷，外面酥脆，裏面粉絲熱辣辣，口感豐富。
主食叫咗個菠蘿海鮮飯，分量幾大，滿到湧出嚟。但唔會炒得太乾，仲有少少濕潤嘅感覺，配埋菠蘿粒好開胃。
飲品叫左象啤，清清地幾好味，亦都夠凍。
椰汁珍多冰嗌左無糖，真係無糖，淡淡椰香味，真多冰又有咬口，簡宜係減肥恩物！
Post
