Video
Read full review
2020-04-18
835 views
因為疫情問題，幾個月冇食過好西，今日趁假日好好休息及忽然想獎勵自己。一個人不想吃自助餐， 也不想動腦A la carte，又貪心想吃多樣食物，環境又想Cozy一點，有什麼比Omakase 更適合呢？去Haku好定Sora好？最後揀左平少少，非fusion, 又係我酒店樓下的Sora。全店晚上得三個客人，都是食Omakase。我揀左$11xx 果個set，加埋一$1300食左十九幾件野，飽到上心口。Menu:1. 前菜（菠菜、魷魚、小鮑魚半隻）2. 生蠔一隻3. 貝類刺身三款4. 魚生四款（黑鯥，左口，深海池魚，日本鱆紅）5. 燒八爪魚6. 水茄子7. 熱食兩款（海鰻及春卷）8. 壽司三款 （賴尿蝦，金目鯛，鰈魚）9. 海膽魚子飯10. 拖羅紫菜卷11. 魚湯12. 甜品水信玄餅當中有幾款都是亮點，生蠔非常新鮮甜美creamy; 黑鯥魚刺生超級鮮甜；鰈魚壽司油香爆滿；賴尿蝦壽司很厚肉很甜； 海膽又係鮮甜爆燈冇苦味，分量多。整體而言冇咩花巧嘢，用料係靚。唯一遜色係個春卷，好多好鞋嘅魚肉，雖然炸得香脆但冇咩味，應該配個酸汁。或者改做天婦羅更理想。另外燒八爪魚唔太香，鹹到有點點苦。想特別讚嘅係
去Haku好定Sora好？最後揀左平少少，非fusion, 又係我酒店樓下的Sora。全店晚上得三個客人，都是食Omakase。我揀左$11xx 果個set，加埋一$1300食左十九幾件野，飽到上心口。
Menu:
1. 前菜（菠菜、魷魚、小鮑魚半隻）
2. 生蠔一隻
3. 貝類刺身三款
4. 魚生四款（黑鯥，左口，深海池魚，日本鱆紅）
5. 燒八爪魚
6. 水茄子
7. 熱食兩款（海鰻及春卷）
8. 壽司三款 （賴尿蝦，金目鯛，鰈魚）
9. 海膽魚子飯
10. 拖羅紫菜卷
11. 魚湯
12. 甜品水信玄餅
當中有幾款都是亮點，生蠔非常新鮮甜美creamy; 黑鯥魚刺生超級鮮甜；鰈魚壽司油香爆滿；賴尿蝦壽司很厚肉很甜； 海膽又係鮮甜爆燈冇苦味，分量多。整體而言冇咩花巧嘢，用料係靚。
唯一遜色係個春卷，好多好鞋嘅魚肉，雖然炸得香脆但冇咩味，應該配個酸汁。或者改做天婦羅更理想。另外燒八爪魚唔太香，鹹到有點點苦。
想特別讚嘅係服務態度，有禮貌，師傅又會同客人講解每一道菜，侍應都好細心，食得舒服開心。可能因為人少，餐廳音樂顯得大聲，播緊同一屋簷下，星之金幣呢的日文歌，好似入咗時光隧道咁。（不過呢個同餐廳食物無關既）總體而言呢一餐食得好開心嘅！亦會推介比想食Omakase嘅朋友！
Post