食雞

Open Now

Now Closed

早前趁老公生日前夕，一家人外出食飯，就去左大角咀《食雞》食雞煲，再任食任飲打邊爐。餐廳座位寬敞，地方整潔，在門口量完體温才進入，檯面上有酒精搓手液任用，令我地安心用餐，今次因為同埋仔仔一齊食，所以就叫咗個唔辣嘅秘製椰香雞煲，真係好重椰香味，入面仲有栗子及芋粒等，啲雞肉好嫩滑，我仔得3歲，佢都話好好味，食左好多件雞，食完雞煲之後，我地選擇加清湯，繼續打邊爐。打邊爐配料：安格斯牛肩胛肥牛西班牙黑毛豬梅肉激爽魚片頭黑椒牛根丸德國車打芝士熱狗腸鮮味墨魚丸經典雞肉腸韓國珍寶蟹柳白菜木耳豬肉餃稻庭烏冬豆卜甜粟米台灣無字豆紙呢到的份量，大多數不是一份份計算，而係主要以件數選擇，咁可以試多些唔同種類，不會浪費，老公喜歡食牛，佢覺得呢度嘅安格斯牛肩胛肥牛，肉味濃算少羶味，我自己覺得呢度有啲特色嘅食品，出面少有，德國車打芝士熱狗腸、韓國珍寶蟹柳及台灣無字豆紙，都幾好食， 總括嚟講呢度嘅質素很不錯。而家因為疫情影響， 佢哋都加咗外賣自取有八折，講真少咗好多人外出食嘢，冇咗熱鬧氣氛，希望下次來，可以見到爆場， 熱鬧鬧咁打邊爐會更開心。