食雞

Open Now

Now Closed

前排小編去咗食咗一間隱世嘅雞煲，小店由旺角行去都有少少距離，不過呢都冇阻住我哋去決心🤣一個價錢仲有就包咗任食雞煲，仲要又唔同口味㖭啊，有啲口味仲要係出面都食唔到㗎，而且店舖用嘅食材都相當高質，食完雞煲之後仲可以打邊爐+ 燒烤，小編都係第一次可以咁樣食法未打邊爐之前，我哋就叫咗啲小食食，炸魚皮炸雲吞，熱辣辣即時炸出嚟，魚皮超級脆同大片，炸雲吞越食就越上癮至於雞煲方面，小編就推介招牌嘅川味雞煲+冬陰功雞煲，招牌著名雞煲越食越辣，好過癮，而且裏面有好多蒜頭同洋蔥，正！另外，冬陰功雞煲，小編極力推介，冬陰功味超濃，而且而且越滾越濃郁，最後仲加咗啲粉絲添，粉絲吸晒冬陰功嘅精華，食唔停口至於火鍋加燒烤就係一個爐鍋底再加燒烤肉喺上面，火鍋湯底仲有三款可以選擇，小編呢就揀咗沙嗲牛肉鍋底，鍋底超級濃郁，再配上安格斯牛肩肉，生菜+蘿蔔片+潮州牛丸+豆腐皮，小編呢就發現咗佢哋原來有日本版嘅出前一丁啊，店舖落得好重本啊，都係任食㗎，再擺落去一齊滾，好就更加好味啦😝另外牛肉片呢仲可以擺上去鍋上面燒烤，出面仲有啲燒烤汁同埋鹽俾你選擇，可以一路食一路燒烤，而且火候都好夠大至於飲品方面，有基本嘅茶汽水同啤酒之外，令我

中意食雞既必黎，$298 任食7款雞煲中意飲酒既必黎，$298 任飲多款酒精 / 無酒精飲品中意食烤魚既必黎，唔洗一舊水 有2款烤魚 勁大大條中意人多熱烈定一個人既必黎，任食到你2046中意有燒肉+打邊爐既必黎，要燒定要lok任你簡重點推薦 食 雞! 我地叫左4款雞煲，食完一煲先叫一煲，記得唔好浪費食物，食得哂先叫，如果人小，可以落單果陣寫要半份雞正氣養生雞煲❤味道淡淡酒香小回甘甜酸菜雞煲❤酸 椒 麻味香，唔太辣，好開胃秘製椰香雞煲❤咸甜齊上唔膩口，好有新加坡既味道冬陰功雞煲❤泰式口味有蝦頭做湯底佢地既雞肉質鮮嫩，皮脆爽口，同埋唔肥膩，中意邊款雞煲可以直接加湯打邊爐，但我地想試埋佢地個芫荽皮蛋湯底!! 味道清新，食左咁多肉，黎返個fresh d既湯底! 我最愛佢地既火鍋配料係黑毛豬梅肉片同台灣無字豆紙!!! 豬梅肉片肉味濃，入口軟嫩。而台灣無字豆紙係我第一次食，好香好香豆味，一次過LOK幾張，一咬好實在既口感，仲有淡淡甜甜既豆香，好好味。我見隔離台人多叫烤魚，真係好大條，冇返4-6個人仲要食咁多野，真係搞唔掂，地方大，坐得舒適，環境企理，食物選擇多，食完散步行去太子 / 旺角都好方便，

🔎食雞（大角咀）突然好想食雞煲&打邊爐🤣就同朋友喺旺角附近搵咗間二合一放題！我哋叫咗「招牌川味雞煲」可以自選辣度🌶️我哋嗌咗bb辣～不算很辣，但好惹味！雞肉吸收咗所有的味道，好重口味😍雞肉鮮嫩，肉質滑溜另外想健康啲仲有正氣養生雞煲、酸菜雞煲、椰香雜煲、冬陰公雞煲、芝士雞煲、沙嗲雞煲..🤣食完雞煲就可以加湯打邊爐啦🤣火鍋方面，選擇實在太多！除了安格斯牛肩肉、西班牙黑毛豬梅肉、切片prime 牛小排等肉類任食！仲有超過四十款火鍋配料！最推介蝦滑、韓國珍寶巨大蟹棒！一淡咬下去，蟹肉的鮮甜感好滿足！🦀而且竟然仲有我最愛的韓國芝士麵！🧀🫕吸哂啲湯汁超邪惡！甜品雪糕都係任食！🍦🍨仲有酒精任飲！超適合同frds啤啤佢🍻環境方面，餐廳非常寬敞🤩即使得兩個人，餐廳都俾咗張好大的圓枱！有足夠的空間可以放好多嘢食🤣見到網上有啲評論提到服務差但我嗰日去又覺得唔係～員工會隨時都會過來關心我們需要咩🫡Overall覺得幾好，期待再來！🔥🙌

野食ok la, 中等，無乜特別突出，但唔差，但有個員工四眼金毛瘦瘦地既真係極品，成個雞煲扔落枱，彭一聲，嚇到我地成班你眼望我眼，全程黑口黑面，香港真係比呢d人害死，唔會再黎。

琴晚同同事收工落佐大角咀呢間火鍋，其中一個同事話食過唔錯，所以介紹，去到門口講真小小卻步因為比較冷清，環境算唔錯夠大夠夠光猛，叫佐招牌雞煲，點知送佐個冬瓜盅，原來呢排優惠，book 位有野送，唔係味精湯呢到加分！之後正菜招牌雞煲幾有特色；整體連埋打邊爐食物都好滿意，但最想讚好呢間鋪頭既位係佢唔似出邊d鋪咁明明都唔會有下一場都要俾面色你睇趕你走，真正做到無限時任食，岩晒我地呢d收工一班同事去傾下計消遣。唯一唔好就係位置唔算旺區，但又正正因為咁先做到呢種地道小店😂所以都會有時間再支持下，價錢合理食物質素到位👍🏻

任飲飲食？所有嘅雞煲只有兩款可以添，其他嘅款全部係唔可以係要加錢嘅飲品唔係全部都係任飲嘅酒精係要加錢其實要加錢唔緊要嘅，但係我感覺係俾人屈囉其實點解？一入座門口冇人自己搵位，埋到座位向後有個男仔，跟住問就話係咪兩位，那個男子指着凍飲品位置嘢飲喺嗰邊自己攞，而我望過佢個櫃上有個牌亦都是任飲自助櫃，跟着我見到有一個蘋果飲品我就攞嚟飲啦，拿過來飲一口，那個男子便問我是否飲酒精飲品，我便說是然後那個男子便回櫃檯,越諗越覺得奇怪，我便再行去收銀台問那個男仔是否要收費，他便說要收$40我問他是否兩位都要收啊？他才說是每位$40。要收費做咩唔早說啊？然後那個男仔便指着飲品櫃方向，他說有寫出來原來那張紙貼在那個櫃上面要收費，但是那時候我的感覺是什麼，要收費你應該一早說（酒精飲品要收費）我便會留意，他從沒有講過，最後還指責客人你自己唔識睇嘅咩？一路食已經很唔開心，然後我發現原來要換雞煲要加錢我再問那個男仔嘅時候，他說有兩款才可以其他要收費，我便再提及收費飲品嘅問題問他，他便說其實我可以唔收我請你飲都得，太可笑了，你說是否這間店正常，要俾錢係正常，但係唔係用咁嘅態度同埋佢咁樣寫出來都有誤導成份大大隻字任飲

服務態度就麻麻，不過都冇所謂，主要目的係食飽個肚，食物味道品質先係首要。一共有6個煲可供選擇“招牌川味雞煲”，“養生正氣雞煲”，“秘製椰香雞煲”，“兒童芝士雞煲”，“懺悔悔酸菜雞煲”，“泰式冬陰功雞煲”。其本上次次黎食都係食招牌雞煲，辣度可以由走辣到大辣5個級別，配菜又可由走到多，d雞煲耐咗都唔會話點嚡，另外建議加埋金菇同生根會仲好食。唯獨有次一班人黎食訂坐4個以上就送烤魚一條，味道還可以一般咁，另外仲要試埋個芝士雞煲，開頭的確好濃好香芝士味，不過食多兩啖就冇咁吸引，試過就算。

上周末我同三五知己揾咗個地方聚聚，選擇咗一間做打邊爐出名嘅地方，真係一個正選擇。由頭到尾，每樣嘢食都係舌尖上嘅驚喜，令人回味無窮。肉類選擇真係令人眼花缭亂👀，但其中最令我印象深刻嘅就係安格斯牛和黑毛豬。安格斯牛肉質鮮嫩多汁，而且幾乎冇羶味，每一啖都係咁滑咁香，真係食到停唔到口。至於黑毛豬，肉質細嫩而且鮮美，好似融化喺口裡咁。嗰啲特色丸類都非常值得一試。特別係車打芝士熱狗腸，啖啖芝士，真係超級過癮😋。如果你係芝士控，咁真係唔可以錯過。另外，韓國珍寶蟹柳同台灣無字豆紙都非常有特色，唔同於一般餐廳嘅選擇，每樣都令人驚喜。而家講下湯底啦，我哋選咗一個靚椰香湯底，味道清香卻又鮮美，仲有那種淡淡嘅甜度，係湯底嘅首選之一。真係要讚下呢度嘅環境，乾淨整潔又舒適，即使係周末人多都唔會覺得太擠迫。聚會咁開心，食物又好味，仲有啲啥呢？對啦，服務態度都非常友好，令成個晚上都好開心😊。總之，呢一餐打邊爐係真係食得好滿足，每樣食物都好有水準，尤其係肉類和特色小食，每一樣都令人回味無窮，絕對係下次聚會嘅首選！

非常同意！我們今日也食到一肚氣！原本諗住支持街坊生意⋯我姪女由香港出嚟同我食飯，點知食雞啲員工態度非常惡劣！我哋book三個人佢哋自己計錯數計兩個，然後仲不停打電話話俾我哋之後仲要話如果我哋唔返嚟俾返錢呢佢就要扣Credit 卡佢憑乜嘢可以扣我哋Credit 卡呢！而家係佢哋自己員工做錯事情⋯仲要將啲責任俾返我們，我們係消費者！講真食物一般⋯只不過覺得街坊支持同埋方便自己冇諗到原來食到好嬲。！佢哋不停sendmessage WhatsApp俾我哋，但係一啲道歉都冇！一間食肆不負責任又態度惡劣的地方大家真係唔好支持！因為他們不會感恩，反而仲會比說話我哋聽！

👍🏻無限時雞煲火鍋放題 $278起真無限時任飲任食任坐，雞煲火鍋任加🤪！一口價食足8個鐘，性價比好高超抵食🤑-雞煲一共7款口味，款式都幾特別少見，例如冬陰功、椰香、芝士、酸菜雞煲等港式沙嗲雞煲，沙嗲味非常濃郁，椰香突出又有少少花生香一路煲滾收水後變成極濃稠嘅沙嗲醬汁，成件事好癲，啱晒重口味鍾意沙嗲嘅朋友😈！雞件厚肉大舊，原隻芝麻雞上，唔會淨係得雞背/骨，肉質好嫩滑，入味得嚟又食到雞味，以任食雞煲嚟講，真心掂😙！雞煲食完一煲可以再叫，每次落單都係新鮮炒起，食夠就可以直接加湯打邊爐，或者成煲換新湯底又得，可揀豬骨湯、芫荽皮蛋湯或微辣沙嗲湯-手機落單同自助區有多款火鍋配料、飲品任食任拎肉類款式唔多，但質素唔錯，唔係勁多肥膏/雪味劣質肥牛，尤其安格斯牛肩胛，牛味濃整體幾款丸類都出色唔係頹貨，墨丸似魚蛋鋪個種真材實料，咬到墨魚肉粒🤤牛丸爆汁黑椒味重，墨汁墨丸鮮味更加濃郁，魚片頭大大舊勁彈牙芝士腸仲要係金妹牌同有日版出前一丁！嗌沙嗲湯底嘅話可以自製極濃掛汁重口味版嘅沙嗲牛肉公仔麵😈另外仲有麻辣牛肚、炸魚皮、餃子雲吞等等-地方乾淨唔會立痴痴/大陣味，座位闊落坐得舒服唔限時可以慢慢食，好啱成班朋友ga

中秋佳節諗住同屋企人共渡，近近地樓下打邊爐，等屋企兩老唔洗行咁遠，點知一肚氣，唔知以為自助餐，加湯都要我地落手落腳，冷氣又唔夠，明明咁多部又開得一兩部。 喂我知你點解生意唔好，但都唔洗咁慳皮呀？ 叫極個女侍應又唔應機，態度好傲慢（唔知系咪事頭婆），另一個唔知系咪佢個仔，講野又好扢雷捶，講完一句就走左去，個呀媽一叫佢又扮睇唔到，可能覺得我地幫襯佢就系西客，好心搞到咁唔好收加一服務費。唔知以為去左70、80年代要比貼士先做野，想問少少野，都要受人面色，成餐飯本身係做節，為咗屋企兩老都費事嘈，祝你地公司好生意啦 。$3xx食呢d咁嘅野，又無海鮮飲啤酒又要加錢，我不如行遠少少出旺角咪仲多選擇，牛又得一兩款，無牛味之外丸類又無咩特別，連去雪櫃拎啫喱，d啫喱都熱到變水狀，好心咁慳皮執左佢唔好獻世，賣食物就一般般，賣環境咪夠熱又偏僻，賣服務我諗唔好有侍應會好d，全部自助都無咁激氣，唔系玩電話就傾計，而呀事頭婆麻煩縮番一二角睇片打機啦，如果唔係會得罪更多人，嬲得濟求其食飽左就算，相信呢個位好快易手。衰到呢😂真經典。

今天和朋友經過大角咀,正當想著食什麼的時候🤣🤣我朋友突然大叫😮‍💨😮‍💨我即刻問他什麼事,原來他只是記起同事推介附近有間雞煲放題,很有口碑😑😑於是我們走去試下👍👍👍我們坐低,隨即有店員上前介紹食法,我們先叫了招牌麻辣雞煲,味道還不錯😊隨後我見到有酸菜雞煲,心想酸菜魚食得多,酸菜雞就未試過,於是叫了一煲試下😁😁😁果然味道不錯🤤🤤🤤於是我們直接加湯打邊爐,這裡的牛肩,風門柳和西班牙豚肉都很不錯,時次用餐很滿足愉快

話說收咗工男朋友出嚟同我去食飯，本來諗住去大角咀街市樓上間大排檔食點知太多人，即刻上返OpenRice睇吓邊度有好嘢食，結果最後揀咗行一大段路，去食一間咁嘅雞煲，喺OpenRice度睇到好評都幾多諗住冇死啦，咁咪入去坐低開席囉，正常你入到去一間食雞煲嘅店，店員都會大概同你介紹點樣order點樣食，不過唔好意思呢間店係完全任你自己自生自滅同你講多兩句都嘥氣，所以我哋就戇居居order咗個雞煲同埋個湯底，然後擺上你個枱上面就係一個雞煲+1個湯底😂😂😅然後你就會知道如果你下次再好白痴咁走入嚟呢間餐廳度食就要記住一定要食完雞煲先至好叫個湯底😆講真，雞煲就真係冇乜特別，好過佢嘅一定係多多聲，所以我都唔特別多講。不如講下個火鍋啦，呢度係用QR code點餐的，20:00入去食，牛肉剩返最差嘅嗰種，即係佢所謂嘅特級肥牛，肥牛上面嘅白色油脂多過紅肉嗰種，朋友你收三百幾蚊你俾啲咁嘅肉人哋，即係叫人下次唔好再去幫襯你，ok!!!冇牛肉食都唔緊要，咁食菜囉，真係好嘢，啲菜俾人夾晒乜都冇你都唔fill, 體諒你哋都好忙嘅，不過唔忙嗰陣就顧住企喺隔離傾偈，傾吓第二日邊個返邊個唔番，朋友你fill咗嘢先啦,全村人

經過大角咀街市，想去大排檔食好西，點知人山人海……跟住即時用開飯喇找附近美食見到食雞這間有122個好評，於是膽粗粗去試下。行到近太子先見間店，門口見好多人食，心想應該不錯。入到去等陣先有人問幾多位，安排了坐門口位，因肚餓所以都無問題的。快速叫了個雞煲，再叫湯底煲及配菜，然後店員端了個湯底出來就講左句「洗唔洗咁早叫」，其實是無店員解釋過，淨是扔底QR code叫點餐….無奈了😮‍💨 15分鐘後雞煲終於來了，但只是好普通雞煲…聲稱芝麻雞，味道會好食點，只幼滑少少，但醬的味道很普通….而打邊爐配料方面都沒有太多東西可選擇，有名的安格斯牛肩胛沒有，安格斯封門柳亦無，想退而求其次食經典見肥牛都沒有，只有最普通勁多肥膏的肥牛…..丸是牛丸豬肉丸貢丸，數完丸款式了，菜方面是自己出去拿的….只添加了兩次….幾乎每次出去都是空空如也的，到汽水茶方面…..有茶包沒有熱水….汽水就一半雪櫃都是空虛的….店員全企在一角不顧食物有沒有的，最好食應該是魚皮，空缺牛已經cap圖在下面，大家可自行參考，帳單總數2人是$650，老實說一點也不值得，情願去食求其一間日式涮涮鍋都仲好食點，簡單來說食物與價錢不成正比，從來未

大時大節好難搵餐廳食飯，咁啱朋友想食雞煲而依間又有得bk 就嚟咗餐廳環境算係低檔🥹除咗飲品櫃同得一個醬料櫃以及甜品&菜既櫃就冇嘢可以直接攞雖然佢哋點完上菜既速度都好快雞煲就有8種既，其中4種就唔使再加錢首先就叫咗招牌川味雞煲，可以自我選擇 花椒薑芫荽等等嘅配料，顧客可以因應個人喜好而決定。 柯打完要等大約10分鐘先上到嚟，建議差唔多食完一煲就叫定上雞之後大火煮多2分鐘就食得，川味雞煲幾好味但比起出面既冇咁濃味。雞既份量好足料，應該真係有成隻雞之後叫咗芝士雞煲食，但個味似白汁雞咁既芝士。完全唔掂☹️而且雞既份量好足夠，咁樣食真係有啲難頂聽到隔離枱叫酸菜雞，佢哋就話唔得。接受唔到，酸菜魚既配搭先啱味😂😂食完雞可以揀雞煲加湯/轉過另一煲打邊爐。有一款免費湯底可以揀，但西芹味好出。對唔食西芹既人嚟講有啲阻滯🤦🏻‍♂️食哂所有嘢當然要食甜品，不過淨係得啫喱同涼粉揀，仲要涼粉就咁擺係到有啲唔衛生冇雪糕食好似唔夠滿足🙄