牛陣 (iSQUARE國際廣場)

Open Now

Now Closed

疫情爆出後一直冇食過，今日辦完事係下午茶時間，見堂食人唔多就去食，成個場大約得5~6枱客而且係國內人多，遊客區都預左係咁，被安排坐窗口卡位，menu仲係lunch價錢，不過最平嘅任食已經由129加價到169，而且免費湯底得一款鰹魚湯，其他湯底都要加每位5蚊，但好想食都接受左，揀左麻辣同豬骨湯底，好快就送到，仲附上3盤牛肉1盤豬肉，之後要加肉就用QR code自行落單，都幾好唔駛下下叫個侍應過黎，不過可惜豬肉得一款冇得揀豬腩，限時90分鐘任食即刻出去拎蔬菜，見到有四款炸物都拎黎試下，仲有關東煮同咖喱飯，不過胃口有限都冇拎黎食，拎左少少蔬菜同拎飲品，見到有酸梅湯即刻斟返去飲先，酸酸甜甜好開胃，未開餐就飲左一杯今日目標就係做食肉獸同食好多雪糕，有我最鍾意嘅朱古力，士多啤梨，曲奇，另一款係焦糖，所以不停肉同雪糕輪流食，最後2個人食左12盤肉，6杯雪糕，飽到上心口因為唔係繁忙時段，侍應都冇趕我地走，不過實在太飽都食唔落，坐多左5分鐘要走人行下消化下先得啦呢間侍應有禮，環境舒適，係國內遊客多比較嘈，下次都會再黎呢間食