牛牛台式鴛鴦火鍋

Open Now

Now Closed

呢個疫症時候，出街食野真係要小心搵，又怕佢唔夠乾淨，又怕佢太多人聚集。 呢間之前食過， 食物質素雖然唔係頂級，但款式味道都足夠。疫情下，餐廳都依足要求加晒板，中間一排唔坐， 咁樣大家仲坐得舒服。今次叫咗杏汁湯同台式臭豆腐湯底， 杏汁就唔太推薦。甜品櫃轉咗個雪櫃， 大家唔駛超大力先拎到， 同埋夠晒凍。 大家記得食豆腐花涼返個喉嚨。今次有失望既地方，冇咗鴨血，得豬紅，韮菜餃佢然用緊厚皮冇味， 之前好好味架。 我地最慘前面個枱兩位中年亞叔， 一路食， 一路用手機賽馬直播，另一邊又有兩位亞叔開party， 不停講，係有埋高過人頭既板隔住都聽晒，可知道佢地有幾大噪音。 真希望大家都留意一下， 附近有人食煙會好辛苦，附近既人食飯好嘈，都一樣咁辛苦。