Video
Read full review
2007-08-29
97 views
見到ｍｅｉ～＊張相影得個Choco Truffle咁靚，就算一早約咗另一個善良人食晏，都飛咗佢，同為食貓兩個出去捐竉捐喇。首先，我地係堅道食咗一餐好唔滿意嘅日本定食，跟住就一路源住卑利街向上行，一路担心會唔會落雨。係一個完全唔起眼嘅街口，見到一間花舖同一間狗狗saloon，心唸都係要check吓去到邊條街嘅時候，就發現原來已經到咗。入到去，我地左望望、右望望，一時間都未發現到個咁靚嘅choco truffle，而係見到好幾款朱古力做嘅cake同tart，仲有幾件lemon meringue, fruit tart, lemon tart, cheese cake...最後終於見到個choco truffle啦。經過一輪討論，最後決定要一件choco truffle，一件lemon meringue，同兩杯iced mocha。因為兩杯iced mocha（$22）係即做，所以等耐咗。杯野味道唔錯，仲要比starbucks做得好d添。因為我地share，所以兩件cake都要切開。先試lemon meringue（$16），一切之下，發現件野係好鬆好靚，食嘅時候，仲發現個味道好鮮，好有天然
首先，我地係堅道食咗一餐好唔滿意嘅日本定食，跟住就一路源住卑利街向上行，一路担心會唔會落雨。係一個完全唔起眼嘅街口，見到一間花舖同一間狗狗saloon，心唸都係要check吓去到邊條街嘅時候，就發現原來已經到咗。
入到去，我地左望望、右望望，一時間都未發現到個咁靚嘅choco truffle，而係見到好幾款朱古力做嘅cake同tart，仲有幾件lemon meringue, fruit tart, lemon tart, cheese cake...最後終於見到個choco truffle啦。
經過一輪討論，最後決定要一件choco truffle，一件lemon meringue，同兩杯iced mocha。
因為兩杯iced mocha（$22）係即做，所以等耐咗。杯野味道唔錯，仲要比starbucks做得好d添。
因為我地share，所以兩件cake都要切開。
先試lemon meringue（$16），一切之下，發現件野係好鬆好靚，食嘅時候，仲發現個味道好鮮，好有天然檸檬嘅清新同酸味。呢個同5星酒店嘅cakeshop出品有得輝。為食貓一面食、一面話好可能呢個比主角仲好食添。
到主角- choco truffle（$25）- 出場。第一啖入口，腦裡面一片空白。係講真嘅，個腦完全俾朱古力味同豐富嘅口感KO咗。我都係响幾秒之後（應該係幾秒咁小卦？）先識反應，係塊面度浮出一個滿足嘅笑容。到食為貓食嘅時候，我好認實咁留意住，發覺佢嘅反應同我一樣。咁即係唔係我個人口味，而係件野真係完美嘅！
不過呢個truffle似乎大件咗d同勁咗d。食咗兩啖，杯iced mocha即刻變得好淡。而且，我即時係有種high上腦嘅感覺，到成個鐘之後仲有d痴痴呆呆！又好似為食貓咁，一個女仔真係食唔晒一整件。後來食完行出來，我就係咁係度傻笑，為食貓就笑笑口咁話好滯。
仲有，發現原來佢亦都有熱食，下次一於係度食埋晏。
P.S. 唔係好明，係一個仲高過Soho、咁僻嘅地方，點解有咁多著西裝嘅外國人係度食野嘅？
Post