蒸廬 (Closed)

有冇見到個燉湯！啲湯渣多到痴線！！！足料到爆呀🤩仲要啲點心都好好味，雖然款式唔多，但我一定會黎再食🤤自從開始良心消費之後，(被迫)去酒樓既次數一隻手數得晒，有陣時都會好想飲茶食點心，但其實想食點心都唔一定要去酒樓架！有唔少良心點心店可以揀，蒸廬就係其中之一！第一次黎，比佢呢個全日套餐既份量嚇親！🥢南瓜鳳爪排骨飯$58🥢燉湯：花膠蟲草花栗子燉土雞 +$45(原價$60)🥢晶瑩蝦餃王兩件+$14(原價 頂點$31-35)以上為全日套餐🥢鮮竹牛肉球 中點🥢蟹籽燒賣王 頂點就好似前面所講，燉湯係第一樣野上枱，一打開個蓋就嚇親，點解可以多料到咁？除左個名所提到既花膠蟲草花栗子燉土雞，仲有激多圓肉同杞子，個湯係超級甜超級清！！飲完啲湯發現有半盅都係湯渣黎！咁樣個湯真係冇可能唔好飲架！大推！！正價$60我都覺得係抵飲，另外仲有4款湯架，有平有貴同埋唔同功效，可以揀返啱自己既湯。鳳爪排骨飯好大籠🙈排骨好入味，飯夠綿又吸晒肉味，加埋甜豉油勁正！我唔食鳳爪但同伴好快成籠清晒，應該都好唔錯。蝦餃同燒賣皮薄餡靚，冇挑剔，牛肉球既牛肉咬落唔死實有香味，略嫌馬蹄同芫荽太多🙈