肥佬德滷水小炒 (Closed)

由細食到大，幾乎所有食物都好好味道，特別係炒嘅小菜都好香又夠鑊氣；星期六日或假期會多人啲要等位，但閒日去就吾洗等，少人啲，結果第一次閒日去食就出事了，詳請如下：幾枱嘅呀叔係店入面食煙，居然冇人管！同呀姐講，只有去處理左一個人，然後叫我地換枱！話我阻住佢地食煙呀！？店入面咁多禁止吸煙嘅牌放尼做咩嫁！？一班呀叔係個餐廳入面食煙居然冇問題！！！？吾係外面嗰行，係入面呀！咁大陣煙味點食飯呀！？仲有幾個好似係員工添！啲食煙呀叔又同某幾個員工呀姐好似好熟咁！熟人就可以食煙！？超不滿意嘅一次用餐，搞成咁，食物幾好味都冇用了。