瘋鳥 (Closed)

成日聽朋友講長沙灣咖啡店非常多，貨素亦唔錯。今次一連兩日嚟到長沙灣，最後試左兩間咖啡店，第一站係瘋鳥🦜。餐廳幾寬敞，唔會將枱櫈放得密密麻麻。吧枱掛上「瘋鳥」既霸氣毛筆字畫，近門口擺放一棵樹。雖然無任何樹葉，不過天花既燈飾完美地連結一起，成個環境變得充滿生氣。- 鹽酥菇一份有七至八件，香脆既外表下，雞髀菇仍然好juicy，不過略嫌炸粉比較厚。- 韓式甜辣炸雞Pizza薄餅底口感似餅乾嗰種，薄餅底同韓式甜辣醬咁夾，加上一份起碼有兩至三件炸雞，好味兼飽肚。不過我同女友最後食剩兩件😢，變咗大曬鬼。- 艾非度蟹肉意大利飯蟹肉平均分佈係意大利飯，每一啖Al Dante口感既意大利飯伴隨鮮甜既蟹肉。另外仲有蘆筍同紅椒，菜式更色彩繽紛🌈- 蘋果柚子茶平時出面飲既水果茶都好鬼甜，不過呢款甜度適中，幾啱大人飲！- 寶礦力沙冰完全係寶礦力味道，而且更甜，沙冰令人感覺更加消暑，簡直係涼透心❄️食物水準唔錯，而且幾大份，最後有少少可惜食唔到甜品，下次再續前緣。