Video
Read full review
2017-02-24
722 views
平時都幾鍾意飲綠茶同食綠茶類既類品，嚴格黎講我都算係一個綠茶控。前幾日忽然間好想食綠茶雪糕，咁我就專登上網做下research揾下邊度有綠茶雪糕，係機緣巧合之下揾到間有得食綠茶類產品又可以食綠茶雪糕既食店，佢就係京林屋。去到既時候，外面已經有人排緊隊，好彩等左一陣就可以入。當打開本menu既時候，見到有好多茶類既食物揀，可以配合唔同愛茶者既需要。抹茶蕎麥麵：本身自己鍾意食冷麵，再加上又未試過食抹茶麵，所以就選擇左依個麵。蕎麥麵點上冷麵汁，鹹味剛剛好，而蕎麥麵仲有淡淡既抹茶香味，而且麵質軟硬適中，好味。讚歧烏冬（熱）：食完既凍既，就緊係食返熱野中和一下。烏冬上面放左兩舊墨魚餅，魚餅質感彈牙，同埋烏冬好爽口，而且個湯底好香濃添。甜品方面，分別選左焙茶類同綠茶類做甜品。焙茶芝士蛋糕配葡萄煎茶：芝士蛋糕有好香濃既茶味，而且芝士味重。另除左芝士蛋糕之外，旁邊仲有焙茶雪糕+紅豆+小丸子伴碟，雪糕茶味亦好香濃，一邊食芝士蛋糕、一邊食雪糕真係好夾。葡萄煎茶：第一啖飲落去，已經有陣陣既葡萄味擁出黎，感覺就好似食緊巨峰葡萄咁，好清新呀。食完甜品，依個茶絕對可以消濟。香港限定芭菲：見到綠茶而且係限定喎，緊係
去到既時候，外面已經有人排緊隊，好彩等左一陣就可以入。
當打開本menu既時候，見到有好多茶類既食物揀，可以配合唔同愛茶者既需要。
抹茶蕎麥麵：本身自己鍾意食冷麵，再加上又未試過食抹茶麵，所以就選擇左依個麵。蕎麥麵點上冷麵汁，鹹味剛剛好，而蕎麥麵仲有淡淡既抹茶香味，而且麵質軟硬適中，好味。
讚歧烏冬（熱）：食完既凍既，就緊係食返熱野中和一下。烏冬上面放左兩舊墨魚餅，魚餅質感彈牙，同埋烏冬好爽口，而且個湯底好香濃添。
甜品方面，分別選左焙茶類同綠茶類做甜品。焙茶芝士蛋糕配葡萄煎茶：芝士蛋糕有好香濃既茶味，而且芝士味重。另除左芝士蛋糕之外，旁邊仲有焙茶雪糕+紅豆+小丸子伴碟，雪糕茶味亦好香濃，一邊食芝士蛋糕、一邊食雪糕真係好夾。
葡萄煎茶：第一啖飲落去，已經有陣陣既葡萄味擁出黎，感覺就好似食緊巨峰葡萄咁，好清新呀。食完甜品，依個茶絕對可以消濟。
香港限定芭菲：見到綠茶而且係限定喎，緊係叫黎試下啦。綠茶味雪糕好細滑，而且綠味好香濃，而下面既配料仲有小丸子、紅豆、綠茶啫喱等，可以配料同雪糕包住一齊食，好味。
抹茶沙冰雪糕：沙冰上面有一球綠茶雪糕，食完幾啖雪糕後，我就決定攪勻佢。成杯野飲抹茶味非常香濃，而且沙冰打後非常細，好飲。
Post
