大滿足 (Closed)

真係唔係講笑，平時入去葵廣都係可能食下鹽水雞買下珍珠奶茶，有一日我男朋友話不如試吓壽司，佢話見到好多人排隊，咁的而且確真係好平，我哋叫咗二百幾蚊壽司，我哋兩個大胃王都食唔晒，叫咗幾多件壽司可以睇吓我Upload張相，真係好似10個人去野餐咁多，想講嘅除咗係抵食之外，仲係超級好食，當然唔係全部啦，有醬有汁嘅係特別好食，至於有啲魚生壽司佢冇乜汁我就唔會太推介。我特別推薦係食蟹膏，每一次點都一定要點蟹膏嘅軍艦同埋壽司卷，其次就係蟹柳。如果真係好鍾意食魚生我會推薦油甘魚。