Video
Read full review
2017-06-25
417 views
嚟到尖沙咀金巴利道嘅Angry Oppa Restaurant & Bar,呢間賣嘅係比較新派嘅韓國菜.入面用咗韓國燒酒同米酒做裝飾,仲不斷咁播住K-POP MV.餐牌封面簡約得嚟都幾靚.呢次嚟試係因為俾佢哋嘅熔岩芝士系列吸引,目標非常明確.叫完嘢食之後店員就拎咗碟前菜嚟,醃製過嘅洋蔥少咗份辛口感,食落酸酸甜甜,醃甘筍就爽脆,都幾開胃.韓式鮮蜆湯,當日鍋入面大約有十六隻鮮蜆,另外仲有蘿蔔片,洋蔥絲,蔥段同蒜蓉.湯味鮮甜,總算唔錯.佢哋仲有幾款韓國傳統金便當,睇落幾得意咁,於是叫咗醬牛肉金便當試試.拎上手感覺暖暖哋,打開便當蓋,盒入面嘅翠玉瓜,泡菜,大豆芽,醬牛肉片同紫菜飯排列得好整齊,都幾吸引.之後就閂埋蓋,用雙手揸實便當再用力搖勻,不消一會入面嘅食材就混埋一齊.醬牛肉片咬落鬆化,同埋甜甜辣辣咁,米粒又夠煙韌,其他嘅翠玉瓜,泡菜,大豆芽又經醃製過,睇落平凡但幾惹味.韓式熔岩芝士原味比薩批,呢個係我最期待嘅菜式,雖然只有八吋大,但批底比一般嘅意式比薩厚非常非常非常多.輕輕拉起其中一塊,入面嘅芝士份量極多,就好似熔岩瀑布咁,拉絲效果非常強勁.因為芝士太癡纏,食嗰陣顯得有啲狼狽,不過都幾好玩
嚟到尖沙咀金巴利道嘅Angry Oppa Restaurant & Bar,呢間賣嘅係比較新派嘅韓國菜.
入面用咗韓國燒酒同米酒做裝飾,仲不斷咁播住K-POP MV.
餐牌封面簡約得嚟都幾靚.
呢次嚟試係因為俾佢哋嘅熔岩芝士系列吸引,目標非常明確.
前菜
3 views
0 likes
0 comments
叫完嘢食之後店員就拎咗碟前菜嚟,醃製過嘅洋蔥少咗份辛口感,食落酸酸甜甜,醃甘筍就爽脆,都幾開胃.
韓式鮮蜆湯,當日鍋入面大約有十六隻鮮蜆,另外仲有蘿蔔片,洋蔥絲,蔥段同蒜蓉.
湯味鮮甜,總算唔錯.
醬牛肉金便當
12 views
0 likes
0 comments
佢哋仲有幾款韓國傳統金便當,睇落幾得意咁,於是叫咗醬牛肉金便當試試.
醬牛肉金便當
5 views
0 likes
0 comments
拎上手感覺暖暖哋,打開便當蓋,盒入面嘅翠玉瓜,泡菜,大豆芽,醬牛肉片同紫菜飯排列得好整齊,都幾吸引.
醬牛肉金便當
9 views
1 likes
0 comments
之後就閂埋蓋,用雙手揸實便當再用力搖勻,不消一會入面嘅食材就混埋一齊.醬牛肉片咬落鬆化,同埋甜甜辣辣咁,米粒又夠煙韌,其他嘅翠玉瓜,泡菜,大豆芽又經醃製過,睇落平凡但幾惹味.
韓式熔岩芝士原味比薩批
10 views
0 likes
0 comments
韓式熔岩芝士原味比薩批,呢個係我最期待嘅菜式,雖然只有八吋大,但批底比一般嘅意式比薩厚非常非常非常多.
韓式熔岩芝士原味比薩批
11 views
0 likes
0 comments
輕輕拉起其中一塊,入面嘅芝士份量極多,就好似熔岩瀑布咁,拉絲效果非常強勁.因為芝士太癡纏,食嗰陣顯得有啲狼狽,不過都幾好玩.配料方面係黑橄欖同磨菇片,醬汁就係番茄肉醬,批底鬆厚同埋有啲韌度,食落都唔算太膩.
Post
