魔法雞排 (Closed)

台灣雞排食就食得多，味道大同小異，但試過來自台灣嘅魔法雞排後，完全癲覆咗我個諗法！食過後返唔到轉頭！3款味道4款脆皮6款調味粉選擇！組合屬於自己嘅個人口味！我同個frd就叫咗多力滋雞扒，台灣大雞扒，炸杏鮑菇，菠蘿沙冰，檸檬沙冰。我塊香辣味多力滋雞排配甘梅粉，咩係多力滋呢?就係用粟米粉整嘅外皮，脆皮又薄又脆，雞肉鮮嫩多汁，再配埋甘梅粉，味道酸酸甜甜好開胃！朋友食果塊香辣台灣大雞扒配海苔粉，外皮就比較普通，同平時出邊食果啲台灣雞扒差唔多，但炸粉就比較薄，雞肉比出邊果啲多汁，而海苔味就唔太夠。炸杏鮑菇又係必食！炸粉食落口薄到唔覺有，而且杏鮑菇勁juicy！菠蘿沙冰啲冰打得幾幼細，菠蘿味唔假，而且甜度適中，老闆仲話啲冰同水都係用一部勁抽濾水器過濾，每過濾兩杯水先有一杯純淨乾淨水，所以有時都唔夠冰用。哩間嘢真係真心推介！雞扒係用有機雞扒！即叫即炸熱辣辣！而且一啲都唔油膩！第一次食一定要食多力滋皮！而且仲有其他新出嘅小食!勁正！