Video
Read full review
2020-06-19
755 views
🎉登登登凳 · 隆重介紹 - 新餐肉！ 🎉暫時只有德輔道中173號南豐大廈有嘅新餐肉，而菜色有新餐肉辛辣麵同埋有新餐肉蛋治。見到有餐蛋治食，我同朋友都好想試一試，睇下有無料到！🔸新餐蛋治🔸 4.2/5作為一個素食者，我認為新餐肉10分有8分似真餐肉，唔知其他人有覺得幾分似呢？ 相比真餐肉，新餐肉嘅質地無真餐肉滑，而係味道相似。我同朋友覺得真係誇張😱 食素食耐左，發現有食物可以模仿肉嘅感覺其實幾幸福。 每一個人食素嘅原因都唔同，有人因為愛動物，有人因為想健康，有人因為宗教信仰，有人因為環保原因，等等。其實什麼原因都好，我覺得世界更多元化係一件好事，更多選擇，更多體會。值此想感謝所有為世界邁向更好的人，因為大家有心想改變世界而付出♥️ （哈哈，突然好感動）🔸韓風pizza🔸4/5韓風pizza味道比較特別，少少酸甜又帶微辣嘅味道。口感好有免治豬肉嘅感覺，應該落咗新豬肉做toppings。我自己幾鍾意食！🔸雜菜湯🔸3/5雜菜湯有紅蘿蔔，蕃茄，西芹，椰菜等等嘅材料，飲落似係新鮮材料煲出嚟湯，比較清新。🔸奶茶🔸 3.8 / 5Oat Milk Tea 燕麥奶茶比我預期中好飲！如果有飲開Oat Mi
暫時只有德輔道中173號南豐大廈有嘅新餐肉，而菜色有新餐肉辛辣麵同埋有新餐肉蛋治。見到有餐蛋治食，我同朋友都好想試一試，睇下有無料到！
🔸新餐蛋治🔸 4.2/5
作為一個素食者，我認為新餐肉10分有8分似真餐肉，唔知其他人有覺得幾分似呢？ 相比真餐肉，新餐肉嘅質地無真餐肉滑，而係味道相似。我同朋友覺得真係誇張😱 食素食耐左，發現有食物可以模仿肉嘅感覺其實幾幸福。
每一個人食素嘅原因都唔同，有人因為愛動物，有人因為想健康，有人因為宗教信仰，有人因為環保原因，等等。其實什麼原因都好，我覺得世界更多元化係一件好事，更多選擇，更多體會。值此想感謝所有為世界邁向更好的人，因為大家有心想改變世界而付出♥️ （哈哈，突然好感動）
🔸韓風pizza🔸4/5
韓風pizza味道比較特別，少少酸甜又帶微辣嘅味道。口感好有免治豬肉嘅感覺，應該落咗新豬肉做toppings。我自己幾鍾意食！
🔸雜菜湯🔸3/5
雜菜湯有紅蘿蔔，蕃茄，西芹，椰菜等等嘅材料，飲落似係新鮮材料煲出嚟湯，比較清新。
🔸奶茶🔸 3.8 / 5
Oat Milk Tea 燕麥奶茶比我預期中好飲！如果有飲開Oat Milk 嘅人應該想像到個味道。雖然味道上唔及原本奶茶嘅香濃，幼滑，而係燕麥奶茶亦有佢配搭嘅新奇😃
Post
