餃餃餃子 (Closed)

今晚無聊同老友來黃埔掃街…居然發現一間好好食既日本餃子店。真係好掂。每款各有風味…首先食下涼菜先，有涼拌芽菜同青瓜，不過天氣凍。食完仲凍，哈哈哈…即刻來個熱食先，有蟹肉海老特長豪華餃子棒，滿滿的蟹肉，彈牙海老蝦，餃子皮薄，咬落去，好鮮甜，一級棒…怕食唔到咁多，又想食齊咁多口味呢！呢度有餃子盛比你選，我地選左個四種口味每樣兩件。有京都長蔥香口，豚肉滑嫩，椰菜清甜，蝦鮮味等。四種各有風味。全部都好好食呀~朋友對薑特別熱衷，咁梗唔少得生薑餃子。薑味十足但係一點也唔辣，同小小肉餡混合一起，正！還有紫蘇葉餃子，比較清淡，好濃紫蘇葉香味，仲配上個比酸酸地蘸醬比喜歡重口味既朋友，另外雞肉芝士餃子都唔錯，芝士唔會過分濃厚，唔會漏，雞肉都很滑身。呢度食滿100，店家免費free你一個柚子胡椒餃子。正呀...入口充滿柚子清香。天氣咁凍，我地叫熱嘢飲，有柚子蜜同熱檸水....等天氣暖先，配埋啤酒飲。無得輸~