面譜-京川料理 (Closed)

今天和家人預祝生日，平時成日路過對呢間面譜餐廳既感興趣，加上有生日優惠，就揀咗呢間。入到去發現佢環境裝修比較昏暗，連menu都唔係好睇到，落單落得好艱難lol。雖然樓底頗高，但因為天花上掛咗好多巨型面譜，所以壓逼感好大，可以睇得出花咗不少心思喺餐廳裝修上，但始終唔係好舒適。真係好似俾人望住食嘢咁先上前菜，原本佢比咗兩碟花生，認真睇落唔多吸引（五個人就兩碟）。由於家人有敏感，所以轉咗前菜，變成蒜辣蓮藕。蓮藕非常爽脆惹味，係香港難得高質的前菜！前一日預訂就有免費酒送，揀咗白酒，南非酒嚟嘅，唔好飲不過免費酒就唔挑剔喇。先來的是海鮮酸辣湯，老人家唔食得辣所以特意叫少辣。酸味和辣味平衡，加上滿滿的魚肉和帶子，鮮味十足，配埋香脆鍋巴更為一絕燈影牛肉真如其名非常透薄，但其調味過甜，食落有少少奇怪，不過乾身有嚼勁的質感很適合下酒最後的花雕醉蝦很好吃，酒味馥郁，蝦肉爽脆，味道很鮮美，家人也大讚好吃。如果間餐廳燈光唔係咁暗，就好好多啦