泰式美食 (Closed)

八月廿三日, 又去咗個 fd 家, 每次最煩惱就係諗食乜, 不過今次可以唔駛叫外賣, 因為小寶珠已經滿月, 可以試吓同我哋一齊出街街食飯啦!今次諗定想食泰國菜, 本來諗住去慈雲山上次食果間, 但冇位,於是個 fd 帶我哋落咗去九龍城呢間唔起眼既《泰式美食》試吓。先嚟泰式炒通菜, 少少辣, 幾好味。炒金邊粉, 都唔錯! 幾野味喎~~炸蝦餅, 夠熱夠脆啲肉又爽, 好味呀!!菠蘿炒飯, 咁得意既, 有啲臘腸既? 不過應該係泰式臘腸, 都唔錯喎~豬肉雞肉川燒雙拼, 啲肉唔會燒得過火而變乾, 啲汁都正常, OK 幾好食。不過我哋差唔多食完先發現佢個細既冬陰公湯未嚟, 吹咗兩次先嚟到...個湯真係幾辣, 同埋可以幾濃幾杰, 感覺得好重味, 食到底仲幾咸,不過其實又幾好味既, 份量都幾多, 舀出嚟足四碗多啲, 啲料又足, 有兩隻蝦切半, 四個人每人有半隻啱啱好, 仲真係幾大隻架!我哋仲叫咗杯龍鳳檸樂, 即係普通檸檬加咸檸檬, 又幾得意喎~最後仲送一人一碗糖水, 唔太甜, 我都食晒架!埋單每人 $70 左右, 價錢都合理喎~ 係啲環境就麻麻地, 舊式少少, 叫咗好過大排檔少少,不過有時好食既嘢就係要喺