西偲名屋 (Closed)

今日入左西貢chill下，經過見到呢間藍白色Cafe，門口放左幾張露營椅，望落幾特別，而且仲可以帶狗仔入去，所以就去試下。👅晒冷下午茶 $368呢個tea set個名又幾盞鬼，總共有3層，樣樣都有，而且夠曬大份。最底層係鹹點，包括有蛋沙律三文治，明太子釀雞翼，香草腸，漢堡扒。明太子釀雞翼最有驚喜，微微辣而且一大啖咬入口好Juicy好惹味。中間果層有2塊bagel，麵包面脆脆地，仲有吞拿魚沙律醬同cream cheese夾住一齊食，仲有兩大塊煙三文魚同埋煙肉。而最高果層係自選既蛋糕兩件，而今次我就揀左檸檬撻同埋草莓荔枝撻，檸檬撻唔會好甜，食到陣陣檸檬既清新香味，而草莓荔枝撻既cream好軟綿綿，草莓味比較突出。飲品方面，今次揀左朱古力咖啡同埋什不冷水果茶，朱古力咖啡正正常常，拉花都好靚好岩打卡，而什不冷水果茶就真係款款水果都有d咁樣，飲落微甜都好fresh，仲有水果粒食下。