發記甜品 (Closed)

今日休假，阿妺話要同我去下午茶，聽講發記甜品唔錯，佢就話要同我去試，可能系星期日關系，今日我地嚟到有人排緊隊，但唔算好多，等左唔系好耐就到我地喇，鋪位唔算大，但可能都系食甜品，所以等嘅時間都唔會好耐。我同阿妺都系榴蓮控，所以每次到甜品店如果有榴蓮出品嘅甜品都會試下，呢度嘅榴蓮卷好似糯米糍差唔多，不過入邊嘅餡就系榴蓮肉，好抵食啊，好多榴蓮肉，食落又香又甜，皮又香又糯，再加上椰絲，好清新嘅感覺。榴蓮班戟，表層做得好香軟，餡同樣都系大大舊榴蓮肉，都好香，不過感覺就無榴蓮卷口感甘特別，但味道都算唔錯。同樣都系榴蓮出品，榴蓮飄香，糖水都系好濃嘅榴蓮味，食落先知原來榴蓮肉同糖水差唔多分量，好多榴蓮肉，良心出品，好食又抵食。