Video
Read full review
2024-03-26
25 views
細個時間成日聽長輩話去多d有錢人住既地方，激勵下自己，咁就會有目標去發達。但去到嗰度齋企，咁鬼死悶，好難有動力去。依家唔同，觀塘凱開左呢間餐廳，有窗口位，食住嘢睇住人地燈光燦爛，我感覺到力量啦。 🍖力量其實係黎自二人餐，前菜三選一，我擇左薯條，薯條一般炸得夠脆就得，佢仲加入左煙肉碎，除咗茄汁仲有sour cream點， 眨眼就食曬。如果可以比多啲就好啦。 🍖虎蝦risotto，佢無用大部份餐廳會用既忌廉做底醬，而係用咗龍蝦湯，咁就做到唔會好容易膩，但佢又唔會過濕，因為個汁收得靚，而且啖啖都好有蝦味。虎蝦既肉好實淨，大家都知好多時如果啲急凍蝦處理得唔好，蝦肉往往會黏係個殼度，佢地肉好易剝，所以有充分解凍。 🍖牛排都煎得好好，首先好大塊，但係肉質唔靱，冇咩根，唔會好多肥，肉眼扒嘅本質，就應該係咁。但一般大家都認為肉眼既牛味未必咁重，但呢塊就冇咁嘅問題，切開嘅時候肉汁夠多，牛味馥郁。 🍺呢間鋪頭元祖店其實喺佐敦，我一早去過，我兩次都一定揀佢嘅奶昔，真係真材實料，夠曬幼滑，今次揀左雜莓味，莓味充足，令我有一個好chill既晚上。 食完碳水化合物同埋紅肉，我對發達的確係有左深刻嘅體會。其實食到
🍖力量其實係黎自二人餐，前菜三選一，我擇左薯條，薯條一般炸得夠脆就得，佢仲加入左煙肉碎，除咗茄汁仲有sour cream點， 眨眼就食曬。如果可以比多啲就好啦。
🍖虎蝦risotto，佢無用大部份餐廳會用既忌廉做底醬，而係用咗龍蝦湯，咁就做到唔會好容易膩，但佢又唔會過濕，因為個汁收得靚，而且啖啖都好有蝦味。虎蝦既肉好實淨，大家都知好多時如果啲急凍蝦處理得唔好，蝦肉往往會黏係個殼度，佢地肉好易剝，所以有充分解凍。
🍖牛排都煎得好好，首先好大塊，但係肉質唔靱，冇咩根，唔會好多肥，肉眼扒嘅本質，就應該係咁。但一般大家都認為肉眼既牛味未必咁重，但呢塊就冇咁嘅問題，切開嘅時候肉汁夠多，牛味馥郁。
🍺呢間鋪頭元祖店其實喺佐敦，我一早去過，我兩次都一定揀佢嘅奶昔，真係真材實料，夠曬幼滑，今次揀左雜莓味，莓味充足，令我有一個好chill既晚上。
食完碳水化合物同埋紅肉，我對發達的確係有左深刻嘅體會。其實食到質素好嘅食物，先係人生最重要，如果要成日掛住搵錢，連食野時間都冇，咁就唔喺生活。所以我都係安份啲，唔好做有錢人。
Post
