沙嗲王 (眾安街) (Closed)

收工突然抽起條根想食白咖喱豬扒飯。當然首選嘅就係沙嗲王嘅招牌白咖哩啦!!!同朋友一齊上到去，店員就推介我哋去揀二人餐($238)話佢價錢合理又有包埋前菜，小食，飲品同甜品。香脆芝士條(再+$10)上到枱見到佢好細條，但係都算芝味十足。白咖喱香茅豬扒飯呢碗白咖喱呢完全係沙嗲王嘅精髓所在，椰香十足仲有少少辣，餸飯完全一流，再將香茅豬扒點上白咖喱汁，俾多碗白飯我都再食得落!!!蟹粉豆腐鍋配飯蟹粉豆腐鍋用石鍋嚟上，熱度十足，但有小部份蟹肉食落有啲腥味，但整體而言不過不失啦。石鍋奶油娃娃菜其實就係用石鍋嚟裝住忌廉煙肉炒娃娃菜，同樣都係熱度十足，味道就普普通通啦。成個餐仲包咗兩杯飲品同甜品，兩個人食晒就真係會太飽。但最值得回味，真係得返個白咖哩豬扒飯，其他就真係一般。