沙嗲王 (Closed)

今晚happy friday 滿心期待去旺角食沙爹王。七點九左右去到，等左陣先有位。坐位都舒服，但兩位就要搭枱。我地叫左兩個菜單上推薦嘅必食之選。不過，客人比較多，上菜時間比較長。白咖哩香茅豬排飯件豬扒很酥脆，香茅和䓤非常香。白咖喱汁甜甜地，有奶香，淡淡辣味。白汁咖喱撈飯好正。沙爹汁嬌嫩巨髀飯塊脾切開條骨上，好細心，因為自己好難切。皮好脆，肉又爽又嫩滑多汁，完全可以單食，唔需要點任何汁。白飯裝得幾細心，撈沙爹汁好好食。不過冷氣大好快吹凍個飯。紫薯鮮奶、抹茶鮮奶紫薯味比抹茶淡，所以飲落奶味濃啲。兩隻都好飲，有鮮奶味道。整體來說，兩個必食推薦嘅飯果然無介紹錯，好好食。不過，店內衛生就一般，食野時見到有隻蚊仔飛過黎幾次，隔離直頭杯水有隻野。如果加以改善呢方面，就更加好。