Video
Read full review
2019-02-16
34 views
其實香港人真係好鍾意食拉麵，拉麵舖開到周街都係，市場上都係長青嘅豬骨湯同近年冒起嘅雞白湯，咁牛呢？呢間正正就係做市面上少有嘅牛骨湯拉麵✨過百蚊碗拉麵其實都幾貴下，但當睇到枱上介紹就知物有所值，所用嘅材料完全都係精心挑選，首先湯底用帶骨髓嘅牛骨熬足廿個鐘，和牛就用頂級品種和王嘅大腿上肉，麵條製作材料無論係麵粉定鹼水都係自來日本，賣呢個價都合理嘅😗以牛為主就當然要先講下作啲牛啦，和牛數量以四十蚊遞增上去，本身想叫兩份牛加多少少整夠三份夠哂滿足，和牛種類可以揀刺身定火炙，當然都可以好似我咁揀雙拼，刺身一大片，浸落湯至半生熟就可以越南嘅生牛河咁，當然嫩滑程度同陣牛味就冇得比啦，而火炙就會切細塊嚟燒得剛好全熟，兩者我係會鐘意刺身多啲，因為真係好滑口又軟腍，味帶牛香，而火炙就多咗陣微微嘅灼燒味，全熟得嚟同樣軟滑，如果燒多少少焦面會更惹味✨至於牛骨湯底夠甜夠醇入口舒服，麵質條彈牙掛汁力唔錯，俾多十蚊揀咗白牛的話就會多咗一堆白松露醬，唔只係油而係醬，所以就算唔係黑松露都好濃烈，同個牛骨湯都幾夾，而且我揀松露量係多，所以啲醬多到可以咁夾埋落個麵度食超滿足，不過勁得滯食完飲湯果陣就覺得有啲膩😂最後私心推薦
過百蚊碗拉麵其實都幾貴下，但當睇到枱上介紹就知物有所值，所用嘅材料完全都係精心挑選，首先湯底用帶骨髓嘅牛骨熬足廿個鐘，和牛就用頂級品種和王嘅大腿上肉，麵條製作材料無論係麵粉定鹼水都係自來日本，賣呢個價都合理嘅😗
以牛為主就當然要先講下作啲牛啦，和牛數量以四十蚊遞增上去，本身想叫兩份牛加多少少整夠三份夠哂滿足，和牛種類可以揀刺身定火炙，當然都可以好似我咁揀雙拼，刺身一大片，浸落湯至半生熟就可以越南嘅生牛河咁，當然嫩滑程度同陣牛味就冇得比啦，而火炙就會切細塊嚟燒得剛好全熟，兩者我係會鐘意刺身多啲，因為真係好滑口又軟腍，味帶牛香，而火炙就多咗陣微微嘅灼燒味，全熟得嚟同樣軟滑，如果燒多少少焦面會更惹味✨
至於牛骨湯底夠甜夠醇入口舒服，麵質條彈牙掛汁力唔錯，俾多十蚊揀咗白牛的話就會多咗一堆白松露醬，唔只係油而係醬，所以就算唔係黑松露都好濃烈，同個牛骨湯都幾夾，而且我揀松露量係多，所以啲醬多到可以咁夾埋落個麵度食超滿足，不過勁得滯食完飲湯果陣就覺得有啲膩😂
最後私心推薦佢個溏心蛋，好軟滑好流心，而且浸得好入味，係成隻蛋都入哂味，高質✨
Post
