Video
Read full review
2013-10-04
701 views
適逢細契爺壽辰，身為契仔o既小肥當然係要請食飯慶祝一番啦 ！為隆重其事，小肥早幾日仲專登周街行，希望搵到個有特色o既生日蛋糕！XO仔喺灣仔其中四間西餅舖研究過後，最終揀咗Italian Tomato o既「白桃。真味」！其實每日都會經過合和中心好幾次，所以一早就留意到超市門口有個counter賣日本餅乾同蛋糕，只係小肥無意增肥，故此一值未有嘗試 。Italian Tomato舖位雖然唔大，門面只有一個放有蛋糕o既雪櫃及擺放多款日本餅o既陳列架，勝在簡單乾淨企理，而且長期都會有兩位妹妹仔招呼客人。為咗了解餅舖所提供o既不同產品及訂蛋糕流程，XO仔一日內總共去咗Italian Tomato個舖位兩次，咁啱兩次都係同一個妹妹仔幫我（佢雖然唔認得我，不過我認得佢）。第一次係中午，人流較多，不過佢都好有心機地推介節令蛋糕及其他熱賣產品，仲好詳細地解釋指定蛋糕可一日前預訂，如要更改款式則必先早多幾日通知。第二次就係小肥收咗工，決定要訂白桃味蛋糕，友善o既妹妹仔好熟練地問我攞資料，更提醒我提取蛋糕時必需帶備單據。到咗攞蛋糕嗰日，妹妹仔再三叮囑我地蛋糕最好即日內食哂，以確保新鮮衛生，非常細心體貼
其實每日都會經過合和中心好幾次，所以一早就留意到超市門口有個counter賣日本餅乾同蛋糕，只係小肥無意增肥，故此一值未有嘗試 。Italian Tomato舖位雖然唔大，門面只有一個放有蛋糕o既雪櫃及擺放多款日本餅o既陳列架，勝在簡單乾淨企理，而且長期都會有兩位妹妹仔招呼客人。
為咗了解餅舖所提供o既不同產品及訂蛋糕流程，XO仔一日內總共去咗Italian Tomato個舖位兩次，咁啱兩次都係同一個妹妹仔幫我（佢雖然唔認得我，不過我認得佢）。第一次係中午，人流較多，不過佢都好有心機地推介節令蛋糕及其他熱賣產品，仲好詳細地解釋指定蛋糕可一日前預訂，如要更改款式則必先早多幾日通知。第二次就係小肥收咗工，決定要訂白桃味蛋糕，友善o既妹妹仔好熟練地問我攞資料，更提醒我提取蛋糕時必需帶備單據。到咗攞蛋糕嗰日，妹妹仔再三叮囑我地蛋糕最好即日內食哂，以確保新鮮衛生，非常細心體貼 ！
白桃。真味（$290）：此款一磅重o既白桃蛋糕係季節性產品，全以日本秀級白桃所製成，所以必需要最少一天前預訂。白桃蛋糕香滑鬆軟，白桃清甜爽脆，一啲都唔溜，而且絕不黐喉，美味可口，契爺契媽當然係讚不絕口啦 ！佢地張嗰晚食剩o既蛋糕攞返屋企，就連留在家中o既細佬都食到lam lam痢 ！有份食蛋糕o既每一個人都同意「白桃。真味」好味程度值滿分，$290一個蛋糕有咁靚o既日本桃食真係好抵呀！
總結，喺合和地下只設有一個細細o既舖位o既Italian Tomato，地方整齊企理，妹妹仔服務態度誠懇有禮，節令蛋糕之「白桃。真味」更加係「有樣睇，而且超好味」，肥肥家族like爆 ，所以大家都萬勿錯過！
Post
