人和荳品廠 (Closed)

同家人飲完茶, 齋妹亦係土爪灣辦完事. 約會地點是銅鑼灣, 我們由灣仔碼頭, 慢慢行, 慢慢去. 天氣燥又令到口乾乾, 決定先找一個地方, 飲下野, 再上路去.行到鵝頸橋, 是找茶餐廳坐低嗎? 問一問齋妹, 飲唔飲豆漿. 點頭之後, 我便帶路, 過返鵝頸橋另一邊. 找這間人和食豆腐花. 總共叫了一熱, 一凍豆漿, 同一碗豆腐花大家分. 豆漿, 有濃濃的豆味. 飲落去, 係感覺到個豆漿係充滿粒子的, 而豆漿的香就是拜這些粒子所賜. 正正顯現出什麼是"豆"既"漿", 我們不是飲"豆"既"水".豆腐花了, 齋妹先吃了一口, 她已經覺得這裡做得比大埔亞婆的更滑. 我的感覺也是這樣, 這裡的豆腐花, 豆味亦香, 又白又滑. 人和老字號, 周圍開分店都能夠保持水準, 實在值得嘉許. 不過, 論豆香味, 都係亞婆香一點, 但論滑, 就是人和的滑. 邊食邊看看其他人食咩....上次我去旺角街市的舊人和, 最多都係有煎豆腐, 同豬油渣麵, 這裡選擇多了. 在鬧市中心區的人和, 總要做多幾樣野, 吸引不同的客人. 見到有一檯, 檯上除了豆漿外, 其他的, 都是非豆製品......人和, 果然識睇地頭, 做