NOC Coffee Co.

Open Now

Now Closed

今日同朋友嚟呢度食lunch 款式都算幾多。正餐，素食，甜品咩都有啲。 今日揀咗佢話特色之選牛油果toast 加蟹肉蛋白toast 牛油果醬好香，而且有少少檸檬汁。 本身麵包應該搽咗少少醋嘅嘢所以酸酸地，非常開胃。而且佢有少少洋蔥，食落去又有口感！ 而蟹肉蛋白，蟹肉都好多。蛋白味一般般唔係話好香，不過麵包都算脆口！ 龍蝦蒜片意粉龍蝦肉彈牙，而且仲有蝦膏！ 意粉係用蛋做嘅意粉，食落去好香。 蒜片同香料嘅味道令到個意粉汁好入味。 咖啡加梳打水佢唔係一般梳打水，佢個底有少少檸檬味，而且個底有少少甜甜地，中和左咖啡嘅苦澀，女仔應該幾鍾意。雖然寫咗少甜，但係我個人認為都比較甜。可能因為平時飲開齋啡，或者純咖啡加奶。 餐廳環境好舒服，好多位，最緊要係有大落地玻璃，望住出邊海旁藍天白雲都幾正。不過繁忙時間如果多人嘅話可能要搭枱。侍應嘅服務都好好，好留意我哋需要啲乜。