白宮咖啡室 (Closed)

White house cafe成間cafe裝修白雪雪，好用心放上好多裝飾品，影相好靚。香草忌廉汁煙三文魚意粉 ($58)忌廉汁香濃，夠杰身，滿口滑溜。意粉略嫌煮得過頭，有少少偏淋。煙三文魚就係普通咁。整體都幾香口，價錢合理。 小食拼盤 ($58)一班人食野 緊係要叫個小食拼盤齊齊開心share啦。呢個小食拼盤超多野，有雞翼、薯餅、咖哩角、春卷 、薯角，樣樣都新鮮炸起。雞翼焗得脆口，肉質滑嫩又香口。薯角份量超多，點茄汁食一流。咖哩角炸得外脆內軟，好濃咖哩味。薯餅炸得香口冇油溢味，切開唔會散開哂。春卷一樣炸得脆口 點埋個泰式辣醬食真係惹味到。 Green Cucumber latte ($38; set lunch+$8)青瓜latte有好可愛既鹿仔拉花，味道出乎意外咁清甜，無個種恐怖既青味，好清新香口。但比起咖啡味就淡口，好岩唔飲得咖啡既人飲。All day breakfast ($58)炒蛋用左明治奶，滑嫩香口。煙肉同腸仔都係普通貨色咁，焗豆是必須要有。多士就略為薄身，如果係厚多士我會更好。最正係有塊薯餅，香口又夠熱氣，正。整體唔錯，睇得出有心機，display仲好靚。