大利清湯腩 (Closed)

今日有去完library，梗係諗住去試下上次試唔到既華姐清湯腩啦。一入到去，哇，甘大陣味既。。。好臭！今日華姐唔係度，D夥記又唔抹檯，仲有唔知點解有陣污糟臭味，開頭都坐低左諗住忍下，但後尾過左兩分鐘冇人問我要咩食，我又覺得越來越難聞，所以當睇唔到人甘走左，入左大利試下。。。其實我唔想黎試，因為睇食評係華姐好D，好多人都話大利唔好食，但係一場黎到，就睇下係咪真。。。呢度好明顯企理過華姐0個邊好多，D伙記做野有拿拿淋。我叫左碗肥腩牛肚河。一黎到，咦，點解個湯甘濃色既？唔似平時食開既清湯腩既湯wor!睇落既色水同聞落既味，都好似地道既越南河粉既湯底（唔係香港0個D越南河），飲落，哇，清甜，唔似有味精，正！個味都有少少似越南湯河湯底。河粉夠滑，係好野！唯獨係個腩實在係又"un"又"雌牙"，好彩個味都仲ok。。。我叫肥腩，但係其實係一夠瘦腩加一舊白雪雪既超大肥膏，塊塊都係甘，一夠瘦雌住一夠肥。。。真係超肥。。。0個舊野真係好驚食完會爆血管，但係食左一舊後，真係覺得舊肥膏好好食，真係好甘香，可能加埋個湯所以覺得仲正。。。最後我所有肥膏都park晒，因為實在覺得如此美味既食物如果唔食實在係太過浪費，