牛太郎 (Closed)

朋友好鐘意食牛肉，見到呢間好特別咁用石去燒，就簡左呢間啦🍖澳洲肉眼好味指數：👍🏻👍🏻👍🏻👍🏻👍🏻呢間店主打牛肉，店家會先將牛肉加熱至一成熟，之後放係一塊燒到好熱嘅石板上面，石板嘅熱度會維持一段時間，係呢段時間入面，客人就可以自己煎煮牛肉。店家會設有蒜蓉、牛油、黑椒同岩鹽，讓客人自己去調味。咁樣大家就可以自己調配自己鐘意嘅味道，仲可以自己控制牛肉嘅生熟程度，唔會再出現廚師煮唔岩你心水嘅生熟程度嘅情況出現。澳洲牛肉嘅口感比較嫩，同埋都好多肉汁，好正🥰🍖牛肩脊好味指數：👍🏻👍🏻👍🏻👍🏻👍🏻呢款肉質比較彈牙，同樣都係好多肉汁。同埋呢個部位會比較厚身啲，小編就會切開細細舊再慢慢煎熟佢🍹西洋菜蜜（左）及柚子蜜（右）好味指數：👍🏻👍🏻👍🏻👍🏻兩杯野飲都好夠味，唔會淡某某咁。😍🍚白飯白飯係任食架好鐘意一餐食好多飯嘅朋友仔，一定岩哂你❣️🥘味增湯味增湯都係任飲架舊牛肉未熟嘅時候，飲下湯醒醒胃都好好❣️❣️🥬沙律沙律都係任夾架淨係食肉，太油膩啦，夾生啲菜食下，解油膩之餘仲可以幫助消化，食得健康啲。裝修：都幾多卡位，適合1-4人入座，以下係餐廳俾大家參考下：