美盛匯 (Closed)

返工經過見到呢度有中式自助餐～中午同晚上都係$98，喺櫃檯前先買票後入座呢度既環境都乾淨企理，職員都好有禮貌，幾友善～除左有自助區既小菜熱炒之外，呢度仲有既煮既各款粉麵同麻辣燙添！！朋友試左佢地既牛腩麵話好入味，麵條都爽彈～自己就試左酸辣粉，少辣偏酸，薯粉Q彈，正！！而自助食品區既選擇都唔少！！有包點點心，又有川式涼菜～仲有湯品，中湯清清地幾好飲～另外仲有生果同汽水熱茶可以自取！！咕嚕肉酸甜開胃，小籠包既味道都唔錯每款試少少已經好飽好滿足，最後仲有糖水食添晚餐唔洗一百蚊就食到咁多款式既食物，cp值都真係幾高！！！