298 Nikuya Kitchen (Closed)

喂！又係我呀！日式燒肉黎講，我對298都真係幾情有獨鍾，諗住佢上次個8蚊杯酒，兩個鍾任嗌，我又返黎啦！oops ...坐底先知完咗呀～～～～點解呀！但我好快就明嘞！佢生意勁好囉！雖然坐少一半，佢都坐滿哂呢個生牛肉海膽飯一定要嗌呀！好正！佢唔止得顏值，佢係每一個部份都滿足到你嘅味蕾蒜蓉燒牛脷鐵腳，記住一定要將有蒜蓉果邊對接咁燒，咁樣嘀蒜蓉唔會跌到周圍都係，嘀牛舌又有嚼勁，又陣陣牛嘅油脂香味！兩碟丫！唔該～佢嘅牛肉拼盤有牛各種部位，佢會教係點燒，燒幾耐，其實你係唔會記得㗎！不過我可以話你聽，燒過龍都好！都好好食呀！同佢嘅抽風真係做得好好！食完返到屋企一嘀燒肉味都冇！不過如果佢做多嘀優惠活動就好啦！黎多幾次都有動力嘀丫嘛！