英記巷仔雲吞麵

Open Now

Now Closed

我係一個雲吞麵控，心思思想去新蒲崗搵Sindy , 於是拉埋太座落水幫佢增磅。 一坐低唔使講嘢即刻整碗60年代懷舊撈麵，即係豬油豉油撈麵，看似簡單，其實充滿心機及技術，麵條零鹼水，你會見到啲生麵一盤盤層層疊放足三日三夜走鹼，麵質彈牙爽身，豬油香氣滿溢，如果呢種香水就好啦，個人推介有三種食法、首先，梗係齋食，第二個做法 喺個碗度放啲醋同埋辣椒醬混埋一齊跟住沾麵、第三個食法係Sindy姐教路, 用本身送嘅醃蘿蔔夾住面一齊食係另一個味道，斗膽講句絕對百吃不厭😋雲吞七三比例（七成蝦三成豬）食落有陣香味，秘密就係大地魚、大地與自己拆肉自己炸、真材實料（正）