四姐川菜

Open Now

Now Closed

灣仔樓上鋪川菜館，由當地人主理，味道正宗。座位唔多，最好提前打電話預訂。中國風裝修，深木色檯凳，牆身以水墨畫同字畫裝飾，睇得出有點歷史。酸菜魚 （大 $288）魚塊係去皮的，魚肉好稔。酸菜切得細塊而且份量好多，有粉絲，酸菜湯頭濃郁有少少辣，直接當湯飲或者撈飯都好好味。乾煸四季豆 （$88）呢個又係送飯之選，呢度整嘅乾煸四季豆比其他餐廳乾身，豆係爽脆的，蒜同豆豉落得比較多，所以味道較濃。酸辣土豆絲 （$88）土豆絲切得幾幼，比較爽口，係水準穩定嘅家常菜。川式魚香茄子 （$88）唔同一般酒樓魚香茄子煲嘅味道，亦都冇想象中既川辣味，係類似咕嚕肉既酸甜味。個人認為傳統整法嘅魚香茄子比較好食。