Video
Read full review
2024-11-23
138 views
呢間韓國餐廳好耐之前已經開始食，而家越嚟越多分店，但質素依然保持到，而且定期有新餐單，令人好有新鮮感。今次食既極度惹味泡菜八爪魚飯卷（$98）每一塊都加上爽口彈牙既八爪魚，配埋微辣既泡菜汁，令飯卷更惹味。啖啖蟹肉千層麵 （$128）份量十足，除咗面層鋪滿蟹肉同蟹籽外，中間仲加咗煙韌既八爪魚粒，口感豐富。值得一提芬芳提子窩夫 （$108）即叫即整，一嚟到已經聞到好香既窩夫味，窩夫上面鋪滿兩款提子同士多啤梨，而且顏色繽紛，令人食指大動👍🏻100%泡泡朱古力(凍) （$45）朱古力味道香滑濃醇，面層灑上朱古力粉同埋朱古力碎，十分吸引。帶點驚喜的香印提子奶蓋綠茶 （$58）真材實料，奶蓋上面已經有幾粒新鮮香印提子，飲飲下發現奶蓋下面原來有啫喱，有得飲又有得食，果然係帶點驚喜😆
呢間韓國餐廳好耐之前已經開始食，而家越嚟越多分店，但質素依然保持到，而且定期有新餐單，令人好有新鮮感。
今次食既極度惹味泡菜八爪魚飯卷（$98）每一塊都加上爽口彈牙既八爪魚，配埋微辣既泡菜汁，令飯卷更惹味。
啖啖蟹肉千層麵 （$128）份量十足，除咗面層鋪滿蟹肉同蟹籽外，中間仲加咗煙韌既八爪魚粒，口感豐富。
值得一提芬芳提子窩夫 （$108）即叫即整，一嚟到已經聞到好香既窩夫味，窩夫上面鋪滿兩款提子同士多啤梨，而且顏色繽紛，令人食指大動👍🏻
100%泡泡朱古力(凍) （$45）
朱古力味道香滑濃醇，面層灑上朱古力粉同埋朱古力碎，十分吸引。
帶點驚喜的香印提子奶蓋綠茶 （$58）真材實料，奶蓋上面已經有幾粒新鮮香印提子，飲飲下發現奶蓋下面原來有啫喱，有得飲又有得食，果然係帶點驚喜😆
Post
