萬利小食店

Open Now

Now Closed

滷水雞全翼豬紅牛腩幼麵多辣！見佢成劈辣汁凝固咁滯，唯有撈混湯食啦。嘩！勁堅沙嗲醬，好香好正好刺激！連我依個辣仔都覺得非常辣，如果就咁乾撈麵食唔知有幾辣呢！牛腩，得一粒仔係牛腩，其餘三舊全部係牛筋囉！牛腩粒豉油味濃，口感略乾，不吃也罷。牛筋同樣豉油味濃，但口感軟棉滑溜，有質數又好味。滷水雞全翼唔錯，好功力，肉質夠嫩又帶肉汁，滷水清甜，無話浸到霉晒，滿意！幼麵質感還可以啦，再硬少少我更喜歡！但得一個麵底份量太少，唔怪得個個男仕都叫加底啦！我都有十幾年無黎食車仔麵架喇，今晚真係溫故知新呢。