江仔記麵家 (Closed)

今日，年初四，去完拜神，就緊係要醫肚啦，我地琴日見到有間江仔記新開店，所以今日即刻去試下，因為車仔麵有咁多款同配搭，屯門係無架。店舖門面光鮮，有懷舊嘅佈置，有木枱櫈，都好有 feel, 但可惜係只能食完就走，無得比你慢慢嘆。地方唔算大，有十張枱倒啦，ok嘅。這店有自家嘅配搭 set好嘅麵，例如有豬八戒$48，牛魔王$48，九大簋$48等。我地叫左：1. 豬八戒 (有豬紅5 件，豬手2 件，豬皮5件，豬腩肉3年，豬膶2件，肉燕餃3件，蝴蝶腩4件) 呢8 款餸都好好食，由祈是係豬手好入味，又淋滑，蝴蝶腩好正，口感好好豬膶夠厚身，但比較粉 d ,都唔錯。2. 4餸粉絲 $39：(冬菇，蝴蝶腩，肉燕餃，鹵大豬腸) 沙爹汁呢個肉燕餃唔錯，感覺有馬蹄，冬菇夠軟夠入味蝴蝶腩好正，夠淋好味道豬大腸比較爽身，唔夠淋，但都唔錯。粉絲爽口，沙爹湯味濃，好好味3. 3 餸麵$33： 鳳爪，牛肉，牛肚麵加左辣汁，都好辣但好味，牛肉唔掂，好韌鳳爪一般，牛肚都韌，麻麻地，味道係好味嘅。小食： 豬紅，九菜，豬大腸都係唔錯嘅懷舊小食，ok其實價錢都好實惠，商場舖，真抵食了，又多配搭嘅車仔麵，屯門一向都無，所以佢有咁多